थानकोट डिपोबाट तेल चोर्ने पत्ता लगाउन बन्यो छानबिन समिति

breaking news

काठमाडौं । नेपाल आयल निगमले तेल चोरी गर्ने पत्ता लगाउन एक छानबिन गर्न गठन गरेको छ । गुणस्तर नियन्त्रण तथा अनुगमन विभागका निर्देशक विधि श्रेष्ठको नेतृत्वमा शुक्रबार ४ सदस्यीय छानबिन समिति गठन गरेको हो ।

थानकोट डिपोबाट भएको तेल चोरी घटनाको छानबिन गर्न आयायल निगमले ४ सदस्यीय छानबिन समिति गठन गरेको हो। गुणस्तर नियन्त्रण तथा अनुगमन विभागका निर्देशक विधि श्रेष्ठको नेतृत्वमा ४ सदस्यीय छानबिन समिति गठन गरेको बुझिएको छ ।

छानबिन समितिमा श्रेष्ठको नेतृत्वमा प्रशासन विभागबाट १ जना, आन्तरिक नियन्त्रणबाट १ जना र एलपिजी तथा एभिएसन विभागबाट १ जना गरी ४ जनाको समिति गठन गरिएको निगमका प्रवक्ता मनोज ठाकुरले सञ्चारमाध्यमलाई जानकारी दिए ।

निगमको थानकोट डिपोबाट कर्मचारीकै मिलेमतोमा तेल चोरीका घटना बढ्दै गएको छ । एउटा ट्यांकर सलम्बुदेवी आयल स्टोरका लागि २० हजार लिटर इन्धन ढुवानी गर्ने क्रममा बाटोमा रोकी च्याम्बरको मेनहोलबाट बाल्टिनमा खन्याइरहेको अवस्थामा नियन्त्रणमा लिइएको थियो ।

यसरी ट्यांकरले तेल चोर्दाचोर्दै कसैले कार्यालय प्रमुखलाई जानकारी गराएपछि निगमको बागमती प्रादेशिक कार्यालय प्रमुख तथा थानकोट डिपो प्रमुख अशोक साहले उक्त ट्यांकरका धनी मंगल ढुवानी सेवालाई १ असारमा स्पष्टीकरण सोधेका थिए । त्यसयता उक्त ट्यांकरलाई ढुवानी कार्यमा रोक लगाइएको छ ।

चोरी गरी बाहिर पठाएको तेल ट्यांकर चालकले आफूसँग सम्पर्कमा भएको राजधानी र आसपास पम्पमा केही सस्तो मूल्यमा बिक्री गर्छन् र प्राप्त रकम निगम उच्च तहका कर्मचारीका भागमा पनि पुग्ने गरेको बुझिएको छ ।

Comments

प्रकाशित मिति : 2025-06-27

थानकोट डिपोबाट तेल चोर्ने पत्ता लगाउन बन्यो छानबिन समिति

Comments

अरु समाचार