शुभमन गिलको कीर्तिमानी २६९ रनमा कीर्तिमानको ओइरो

काठमाडौं । बमिङघममा जारी दोस्रो टेस्टको पहिलो इनिङग्समा भारतीय कप्तान शुभमन गिलले इंग्ल्यान्डविरूद्ध २६९ रन बनाए कीर्तिमानी पारि खेलेका छन् । उक्त इनिङ्समा गिलले दोहोरो शत बनाएसँगै भारतले इंग्ल्यान्डविरूद्ध ५८७ रन जोडेको थियो ।

पहिलो टेस्टमा ब्याटिङ उतकृष्ट गरे पनि दोस्रो इनिङग्समा राम्रो बलिङ् हुन नसक्दा भारतले ५ विकेटको हारको सामना गर्नु परेको थियो । त्यस्तै भारतले दोस्रो टेस्टको पहिलो इनिङग्समा पनि राम्रो ब्याटिङ गरेको छ । यस खेलमा कप्तानले खेलेको एतिहासीक पारिले विभिन्न नयाँ रेर्कड निर्माण गर्नुका साथै केही पुराना रेकर्ड समेत तोडिएका छन् ।

नयाँ रेकर्डहरुः

• भारतीय कप्तानको सर्वाधिक व्यक्तिगत स्कोर

गिलले इंग्ल्यान्डविरूद्ध बनाएको २६९ रनको स्कोर टेस्ट क्रिकेटमा कुनै पनि भारतीय कप्तानले बनाएको सर्वाधिक व्यक्तिगत स्कोर हो । यससँगै सन् २०१९ मा पुनेमा दक्षिण अफ्रिकाविरुद्ध विराट कोहलीले बनाएको अविजित २५४ रनको कीर्तिमान समेत तोडिएको छ ।

• एसिया बाहिर भारतीयले बनाएको उच्च स्कोर

गिलको २६९ रन एसिया बाहिर टेस्टमा कुनै पनि भारतीय ब्याटरले बनाएको सबैभन्दा उच्च स्कोर पनि हो । यसअघि यो कीर्तिमान सचिन तेन्दुलकरको नाममा थियो। सचिनले सन् २००४ मा सिड्नी क्रिकेट ग्राउन्डमा अविजित २४१ रन बनाएका थिए।

• अन्तराष्ट्रिय टेस्टमा भारतीय ब्याटरको तेस्रो ठूलो स्कोर

विदेशमा भएको टेस्टमा भारतीय ब्याटरले बनाएको तेस्रो ठूलो स्कोर हो । यसभन्दा अघि सन् २००४ मा पाकिस्तान भ्रमणमा वीरेन्द्र सेहवागले मुल्तानमा ३०९ रन र राहुल द्रविडले रावलपिंडीमा २७० रन बनाएका थिए ।

• इंग्ल्यान्डविरूद्ध दोहोरो सतक बनाउँने खेलाडी

गिलभन्दा पहिले इंग्ल्यान्डमा भएको टेस्ट क्रिकेटमा केवल दुई भारतीयले मात्र दोहोरो शतक बनाएका थिए । सन् १९७९ मा सुनील गावस्करले २२१ रन र सन् २००२ मा राहुल द्रविडले २१७ रन जोडेका थिए । दुवै ब्याटरले शतक ओभलमा बनाएक थिए ।

• टेस्टमा सातौं सर्वाधिक व्यक्तिगत स्कोर

समग्रमा गिलको २६९ रन भारतका लागि टेस्ट क्रिकेटमा सातौं सर्वाधिक व्यक्तिगत स्कोर हो ।

• बमिङघममा दोहोरो शतक बनाउने विदेशी 

गिलभन्दा पहिले बमिङघममा टेस्टमा दोहोरो शतक बनाउने विदेशी ब्याटरको संख्या दुई थियो । सन् २००३ मा ग्राम स्मिथले २७७ रन र सन् १९७१ मा जहीर अब्बासले २७४ रन बनाएका थिए । गिलको २६९ रन इंग्ल्यान्डमा विदेशी ब्याटरले बनाएको आठौं सर्वाधिक स्कोर हो।

• पहिलो दुई टेस्टमै शतक 

कप्तानको रूपमा आफ्नो पहिलो दुई टेस्टमै शतक बनाउने ब्याटरको संख्या (गिलसहित) ७ छ । यसअघिका ६ मध्ये तीन जना भारतीय थिए । विजय हजारे, सुनील गावस्कर र विराट कोहली पनि आफ्नो दुई टेस्टमा शतक बनाएक थिए ।

• टेस्ट र एकदिवसीय दुवैमा दोहोरो शतक

टेस्ट र एकदिवसीय दुवैमा दोहोरो शतक बनाउने ब्याटर पाँच जना पुगेका छन् । गिलसँगै सचिन तेन्दुलकर, वीरेन्द्र सेहवाग, रोहित शर्मा र क्रिस गेलले दुवै फम्र्याटमा दोहोरो शतक बनाएका छन् ।

Comments