ताजा समाचार

कुलिङ पिरियडमा गरिएको परिवर्तनका बारेमा छानबिन गर्न संसदीय समिति बन्ने

breaking news
- न्यूज नेपाल
       

काठमाडौं । संघीय निजामती विधेयकको कुलिङ पिरियडमा भएको अनधिकृत फेरबलका सम्बन्धमा छानबिन गर्नका लागि विशेष संसदीय समिति बन्ने भएको छ ।

आज(शनिबार) सभामुख देवराज घिमिरेसहित विभिन्न दलका नेताहरूबीच भएको छलफलपछि उक्त विषयको छानबिनका लागि समिति बनाउने निर्णय भएको नेकपा एमालेका मुख्य सचेतक महेश बर्तौलाले जानकारी दिएका छन् । बर्तौलाका अनुसार समिति ७ सदस्यीय रहनेछ ।

जसमा नेकपा एमाले र नेपाली कांग्रेसको तर्फबाट २–२, नेकपा माओवादी केन्द्र, रास्वपा र राप्रपाका तर्फबाट १–१ जना सदस्य रहने बर्तौलाले बताए ।

उनका अनुसार संसद्को नियमावलीको १८० बमोजिम उक्त समिति बनाउने निर्णय भएको हो ।समितिमा रहने सदस्यहरूको नामावली सोमबार सार्वजनिक गर्ने तयारी गरिएको छ ।

Comments

प्रकाशित मिति : 2025-07-05

अरु समाचार

© NewsNepal 2018 - All Right Reserved.
newsnepal.com 2017.hlon.org