चीनबाट अमेरिकामा भएको निर्यात अपेक्षा गरिएभन्दा धेरै

breaking news

काठमाडौं । गएको महिना चीनबाट अमेरिकामा भएको निर्यात पूर्वानुमानभन्दा बढी रहेको सरकारी तथ्याङ्कले देखाएको छ । वाशिङ्टन र बेइजिङले एकअर्कामाथिको कर घटाउने सम्भावित सम्झौतामा सहमति जनाएपछि चीनको निर्यात जुन महिनामा अपेक्षा गरिएभन्दा बढेको अन्तर्राष्ट्रिय समाचार संस्था एएफपीले जनाएको छ ।

चीनको सामान्य कर प्रशासनको तथ्याङ्क अनुसार निर्यात अघिल्लो वर्षको यही महिनाको तुलनामा ५ दशमलव ८ प्रतिशतले बढेको छ । यो अर्थशास्त्रीहरूले ब्लुमबर्ग सर्वेक्षणमा गरेको ५ प्रतिशतको पूर्वानुमानभन्दा धेरै हो । यस्तै यो अवधिमा अमेरिकातर्फको आयात १ दशमलव १ प्रतिशतले बढेको खबरमा उल्लेख छ । यो अघिल्लो वर्षको जुन महिनाको भन्दा ० दशमलव ३ प्रतिशतले धेरै हो र यो वर्ष देखिएको पहिलो वृद्धि हो ।

अमेरिकी राष्ट्रपति डोनल्ड ट्रम्पको व्यापक कर वृद्धिका कारण वाशिङ्गटनसँगको व्यापार युद्धका कारण आर्थिक वृद्धिलाई निरन्तरता दिने बेइजिङको प्रयास प्रभावित भएको छ, यद्यपि गएको महिना बेलायतको लन्डनमा भएको वार्तामा दुई देशबीचको विवाद कम भएको थियो ।

आज आयोजित पत्रकार सम्मेलनमा भन्सार अधिकारी वाङ लिङ्जुनले अमेरिकी करवृद्धिको युद्धविराम कठिन जीत रहेको बताउनुभयो । धम्काएर वा जबरजस्ती गरेर बाहिर निस्कने कुनै उपाय नभएकाले संवाद रसहकार्य नै सही बाटो रहेको उहाँको भनाइ छ ।