३५ जनाको ज्यान लिएको झ्याप्ले खोला पहिरो क्षेत्र पुनर्निर्माण अन्तिम चरणमा

काठमाडौं । गतवर्ष ३५ जनाको ज्यान जाने गरेर असोज ११ र १२ को परेको अबिरल वर्षासँगै गएको पहिरोले क्षतिग्रस्त नागढुंगा–नौबिसे सडकखण्डअन्र्तगतको झ्याप्ले खोलाको पहिरो व्यवस्थापनको काम अन्तिम चरणमा पुगेको छ। करिब २ करोड लागतमा उक्त क्षेत्रमा पुनर्निर्माण तथा व्यवस्थापनको काम भइरहेको छ ।

क्षतिको पुनः र्निर्माण र तत्कालका लागि पहिरो रोकथामको काम भइरहेको निर्माणकर्ताले बताएको भनाई छ । उक्त पुनर्निर्माणको काम आगामी साउनसम्म सक्ने योजना रहेको रहेको छ ।

काठमाडौंको चन्द्रागिरि–२ मा पर्ने र धादिङ जिल्लाको सिमानानजिकै रहेको झ्याप्लेखोलास्थित त्रिभुवन राजपथमा माथिबाट पहिरो खसेको पहिरोमा परेर काठमाडौँतर्फ जाँदै गरेका लु १ ज ४५७८ को टाटा बिंगर, बा २ ख १३४५ को ह्यास माइक्रोबस र ना ४ ख २२७० को बस पुरिदाँ, ३५ जनाको ज्यान गएको थियो। यस्तै, बा १ प १३८८, बा १ प ८, बा २ ख १७४१ र भारतीय नम्बर एचआरएबी ७०७० को सवारीसाधनमा पनि क्षति भएको थियो।

पहिरो नागढुंगा चोकबाट ६ सय मिटर अगाडिदेखि सुरु भई २.७ किलोमिटर तलसम्म खसेको थियो। पहिरोले नागढुंगा–नौबिसे सडकखण्डमा क्षति भएको थियो। अहिले उक्त सडकखण्डमा क्षतिग्रस्त बनेका संरचनाको पुनर्निर्माणको काम अन्तिम चरणमा पुगेको छ ।

पहिरो व्यावस्थापनका लागि पहिरो जाँदा पहिला लगाएको पर्खाल जोखिमपूर्ण अवस्थामा रहेकाले त्यसलाई जोगाउन माइक्रो पायलिङ गरिएको छ।

त्यस्तै, पहिरो गएको तल्लो क्षेत्रमा ग्याबिन पर्खाल लगाउने काम पनि लगभग सक्किएको छ, भने, पहिरोले भत्किएको पर्खालमा अर्को पर्खाल निर्माणका लागि ‘स्वायल एंकर’ गर्नुपर्ने काम अघि बढाइएको छ। सबै काम आगामी साउनसम्ममा पूर्णरुपमा सकिने निर्माणकर्ताको भनाई छ ।

Comments

• झ्याप्ले खोला
• नागढुंगा–नौबिसे