सरकारबाट बाहिरियो जसपा, राष्ट्रियसभामा सत्तापक्ष अल्पमतमा !

breaking news

- NEWS NEPAL

काठमाडौं । जनता समाजवादी पार्टी नेपालले गठबन्धन सरकारलाई दिएको समर्थन फिर्ता लिएको छ।

नेकपा एमाले का अध्यक्ष केपी शर्मा ओली नेतृत्वको सरकारमा सहभागी नभए पनि सात दलीय गठबन्धनको सदस्य रहेको उपेन्द्र यादव नेतृत्वको जसपा नेपालले आज बुधबार संसदीय दलको बैठक बस्दै सरकारलाई दिएको समर्थन फिर्ता लिएको हो ।

सरकारसँग असन्तुष्ट जसपाले यसअघि नै समर्थन फिर्ता लिने घोषणा गरेको थियो । अध्यक्ष यादव आफैंले घोषणा गरे पनि औपचारिक रुपमा सरकारको समर्थन फिर्ता लिएका थिएनन् । तर प्रधानमन्त्री केपी शर्मा ओलीसँग बालुवाटारमा भएको संवादको दुई दिनपछि यादव गठबन्धनबाट बाहिरिएका हुन् ।

यसअघि सोबार बालुवाटारमा भएको वार्तामा कांग्रेस सभापति शेरबहादुर देउवा र ओलीले यादवलाई मन्त्री बनाउने गरी छलफल गरेका थिए ।

जसपाको यो निर्णयले राष्ट्रियसभामा वर्तमान सरकार स्पष्ट अल्पमतमा परेको छ । यसले माथिल्लो सदनबाट विधेयक अघि बढाउन मुस्किल हुनेछ ।