कुलिङ पिरियडमा प्रचण्डलाई योगेशको जवाफः तपाईमाथि नै छानविनको आवश्यकता छ

breaking news

- न्यूज नेपाल

काठमाडाैं । कुलिङ पिरियडमा पूर्वप्रधानमन्त्री पुष्पकमल दाहाल ‘प्रचण्ड’ले नै गोलमाल गरेको आरोप लागेको छ ।

कुलिङ पिरियडमा भएको भनिएको छेडखानीमा प्रचण्डले आफू प्रधानमन्त्री भएकै बेला हटाउने प्रस्ताव लगेको आरोप लगाउदै एमाले सचिव योगेश भट्टराईले प्रचण्डमाथि नै छानविन गर्नुपर्नेमा जोड दिएका छन् ।

प्रचण्डले शनिवारमात्रै एक कार्यक्रममा कुलिङ पिरियड हटाएको विषयमा प्रधानमन्त्री केपी ओलीलाई जोडेर छानविन गर्नुपर्नेमा जोड दिएका थिए भने एमालेले कुलिङ पिरियड हटाएको आरोप लगाएका थिए ।

एमालेका केहि सांसदहरुले राष्ट्रियसभामा कुलिङ पिरियड हटाउने विषयमा संशोधन प्रस्ताव राखेका छन् । यो विषयका कारण अहिले विवाद चलिरहेको छ ।

उसोतः योगेशले भनेका छन्, ‘तपाईंले वर्तमान प्रम केपी ओलीमाथि व्यंग्य गर्नु भएछ । तपाई कुलिङ अफ पिरियडका सम्बन्धमा “प्रचण्ड” अड़ानमा हो भने मेरो प्रश्न छ २०८० फागुन ११ गते संसदमा बिधेयक दर्ता भएको बेला तपाई नै प्रम हुनुहुँथ्यों र तपाई कै अध्यक्षतामा बसेको मंत्रिपरिषदको बैठकले यो विधेयकलाई संसदमा पेस गर्न स्वीकृति दिएको हो । जसमा कुलिङ अफ पिरियडका बारेमा कुनै व्यवस्था गरिएको छैन । यसले स्पष्ट गर्दछ कि तपाई कुलिङ अफ पिरियडका पक्षमा हुनुहुन्थेन । आज विपक्षी बेंचमा पुगेपछि एकाएक कुलिङ अफ पिरियडको भूत कसरी जाग्यो? सांसदहरूको संशोधन प्रस्ताव पछि मात्र यो विषयको बहस शुरु भएको हो । यो तथ्यका बारेमा हेक्का रहोस ।’

यस्तै, एमाले कुलिङ पिरियडको पक्षमा रहेको दाबी गर्दै योगेशले प्रचण्डले आफ्नो बोली, निर्णय र विषयमा जतिबेला पनि कोल्टे फेर्न सक्ने भन्दै आक्रोश पोखेका हुन् ।

के भने त योगेशले ?