मधेस प्रदेशका पूर्वप्रमुख झा पुर्पक्षका लागि थुनामा पठाउन आदेश

Breaking News

- न्यूज नेपाल

काठमाडौं । जिल्ला अदालत काठमाडौंले मधेस प्रदेशका पूर्वप्रमुख राजेश झा ‘अहिराज’लाई पुर्पक्षका लागि थुनामा पठाउन आदेश गरेको छ ।

न्यायाधीश पिताम्बर शर्माको इजलासले यौन दुर्व्यहार कसुरमा पक्राउ परेका झालाई पुर्पक्षका लागि थुनामा पठाउने आदेश गरेको जिल्ला अदालत काठमाडौँका सूचना अधिकारी दिपेन्द्रकुमार श्रेष्ठले जानकारी दिनुभयो । अदालतको उक्त आदेशसँगै अहिराजलाई डिल्लीबजार कारागार चलान गरिएको छ ।

यौन दुर्व्यहारको कसुरमा यही साउन ४ गते प्रहरीले पक्राउ गरेको थियो । सोही विषयमा थप अध्ययनका लागि पुर्पक्षका लागि थुनामा पठाउने अदालतले आदेश गरेको हो ।

मधेसवाणी साप्ताहिक पत्रिका प्रकाशनलगायत सञ्चार उद्यमीसमेत रहेका झा २०७७ साल फागुन ७ मा मधेसको प्रदेश प्रमुख नियुक्त भएका थिए । करिब छ महिनाजति उक्त प्रदेशको प्रदेशको प्रमुखका रुपमा काम गरेका थिए । बुधबार अदालतले यौन दुर्व्यहारको कसुरमा थुनामा पठाउने आदेश गरेको हो ।

नेपाल टेलिभिजनबाट