इंल्यान्डविरुद्धको पाँचौ टेस्टमा भारतको रोमाञ्चक जित

Breaking News

- न्यूज नेपाल

काठमाडौं । इंल्यान्डविरुद्धको पाँचौ तथा अन्तिम टेस्ट क्रिकेटमा भारतले ६ रनको रोमाञ्चक जित निकालेको छ । यो जितसँगै पाँच खेलको शृंखलाको टेस्ट २–२ को बराबरीमा सकिएको छ ।

लण्डनमा ३७४ रनको लक्ष्य पछ्याएको घरेलु टोली इंल्यान्ड ३६७ रनमा अलआउट भएसँगै भारतले रोमाञ्चक जित निकालेको हो। पाँचौ तथा आज अन्तिम दिन जितका लागि मात्र ३५ रन चाहिएपनि इंल्यान्डले २८ रन जोड्दै बाँकी ४ विकेट गुमाएको थियो ।

इंल्यान्डका लागि हेरी ब्रुकले १११, जोए रुटले १०५ रन र बेन डुकेटले ५४ रन बनाए पनि जितका लागि पर्याप्त बनेन। पाँचौ तथा अन्तिम दिन सोमबार गुस एटिङसनले १७ रन बनाएका थिए। आज अन्तिम दिन उनीबाहेक कसैले पनि दोहोरो स्कोर बनाउन सकेनन् ।

इंल्यान्डलाई सस्तैमा समेट्न मोहमद सिराजले ५ विकेट लिए । प्रशिद्ध कृष्णाले ४ जनालाई आउट गरे । आकाश दीपको नाममा एक विकेट रह्यो । यसअघि पहिलो इनिङ्समा इंल्यान्डले २४७ रन बनाएको थियो । भारतले भने पहिलो इनिङ्समा २२४ र दोस्रोमा ३९६ रन बनाएको थियो ।