एनपिएल दाेश्राे संस्करणः आदिल सहितका ८ क्रिकेटर ‘ए’ श्रेणीमा

खेलकुद

- न्यूज नेपाल

काठमाडौं। नेपाल प्रिमियर लिग (एनपिएल) दोस्रो संस्करणको खेलाडी छनोटका लागि हुने अक्सनमा सुचीको ‘ए’ श्रेणीमा अलराउण्डर मोहम्मद आदिल आलम सहितका ८ क्रिकेटरले स्थान बनाएका छन् ।

नेपाल प्रिमियर लिग (एनपिएल)ले बुधवार अक्सनमा सहभागी रहने १ सय ५० जना खेलाडीको अन्तिम सूची घोषणा गरेको हो । सुचीमा मोहम्मद आदिल आलम सहितका ८ क्रिकेटरले स्थान बनाएका हुन् ।

सुचीमा अर्जुन साउद, सुर्य तामाङ, दिलिप नाथ, सुनम गौतम, देव खनाल, शरद भेषवाकर, पवन सरार्फ, रहेका छन् । आगामी शनिवार हुने अक्सनमा श्रेणी ए मा ४ खेलाडीको मात्र आवश्यकता छ । तर, दोस्रो चरणको अक्सनमा ए श्रेणीमा बोली नलागेका खेलाडी स्वतः बि श्रेणीमा झर्ने छन् ।

एनपिएल अक्सनका लागि ४ सय ५८ जनाले आफ्नो नाम रजिस्ट्रेसन गराएमा १ सय ५० खेलाडी अन्तिम सुचीमा अटाएका हुन् । एनपिएलमा सहभागी ८ टोलीले इच्छाएका तथा नेपाल क्रिकेट संघ(क्यान)को प्राविधिक टोलीले बनाएको मापदण्डमा रहेका १ सय ५० खेलाडीलाई अन्तिम सुचीमा समावेश गरिएको हो ।