एएफसी यू–२० छनोट: नेपालले आज बलियाे टाेली उत्तर काेरियासँग खेल्दै

breaking news

- न्युज नेपाल

काठमाडौं । भुटानमा जारी एएफसी यू–२० महिला एसियन कप छनोट अन्तर्गत नेपाली यू–२० टोलीले आज बलियो टोली उत्तर कोरियाको यू–२० टिमसँग प्रतिस्पर्धा गर्दैछ ।

जारी प्रतियोगितामा उत्कृष्ट प्रर्दशन गरेको उ.कोरीयाको यू–२० उमेर समूहका एसियन कप र विश्वकपको उपाधि जितिसकेको टोली हो । त्यति मात्र होइन उत्तर कोरिया यू–१७ एसियन कप र विश्वकपको पनि साविक विजेता हो ।

अहिले भइरहेको छनोट प्रतियोगितामा पनि उत्तर कोरिया सबैभन्दा बलियो टिमका रुपमा रहको छ। समूह ए मा उत्तर कोरियाले पहिलो खेलमा साउदी अरेबियालाई १५–० र आयोजक भुटानलाई १०–० ले हराएरको छ ।

नेपालले भने अहिलेसम्म जम्मा दुई गोल मात्र गरेको छ । भुटानसँग १–१ को बराबरीमा रोकिएको नेपालले साउदीलाई अन्तिम समयमको गोलममा बल्ल तल्ल १–० ले पराजित गरेको थियो ।

उत्तर कोरिया ६ अंकसहित समूहको शीर्ष स्थानमा छ भने नेपाल ४ अंकसहित दोस्रो स्थानमा छ ।

समूह विजेता बन्दै एसियन कप पुग्ने महत्वाकांक्षी लक्ष्यसहित थिम्पु पुगेपनि नेपालले मैदानमा त्यो अनुसारको प्रदर्शन गर्न सकेको छैन् । छनोटमा ८ समूहबाट समूह विजेता बन्ने टिम सिधै छनोट हुनेछ भने उपविजेता मध्ये उत्कृष्ट ३ टिमले पनि अन्तिम चरणमा खेल्ने अवसर पाउनेछन् ।

यसअघि नेपालले सन् २००४ मा नेपालले एएफसी यू–१९ महिला एसियन च्याम्पियनसिप मा उत्तर कोरियासँग खेलको थियो । जहाँ नेपाल १९–० को फराकिलो अन्तरले पराजित भएको थियो