सञ्जय गुरूङलाई क्रिकेट गतिविधि सञ्चालनमा क्यानकाे प्रतिबन्ध

खेलकुद

- न्युज नेपाल

काठमाडौं । नेपाल क्रिकेट संघ (क्यान)ले लुम्बिनी प्रदेश क्रिकेट संघका पूर्व अध्यक्ष तथा सञ्जय गुरूङलाइ तत्कालका लागि कुनै पनि प्रकारका क्रिकेट गतिविधि सञ्चालन नगर्न निर्देशन दिएको छ।

लुम्बिनी प्रदेश क्रिकेट संघलाई पत्राचार गर्दै क्यानले संघका पूर्व अध्यक्ष सञ्जय गुरुङले क्यान र नेतृत्वविरुद्ध सार्वजनिक रुपमा नकारात्मक टिप्पणी गर्दै आएका कारण साउन १५ गते बसेको संघको केन्द्रीय कार्यसमितिको बैठकले गुरूङलाई क्रिकेटकाे एम्पायरिङ र अन्य कुनै पनि प्रकारकाे क्रिकटे गतिविधिमा राेक लगाउँने निर्णय गरेकाे हाे ।

क्यानका महाप्रबन्धक उत्सव ढुङ्गानाको हस्ताक्षरमा पठाइएको पत्रमा ‘लुम्बिनी प्रदेश क्रिकेट सङ्घका पूर्व अध्यक्ष सञ्जय गुरुङले नेपाल क्रिकेट संघविरुद्ध मुद्दा दायर गर्नुका साथै सङ्घका अध्यक्षविरुद्ध विभिन्न सञ्चार माध्यमहरूमा नकारात्मक टिका टिप्पणी एवं मिथ्या आरोप लगाएको सम्बन्धमा मिति २०८२|४|१५ गतेको नेपाल क्रिकेट सङ्घ केन्द्रीय कार्यसमितिको बैठकबाट अम्पायरिङ लगायत कुनै पनि क्रिकेट गतिविधिहरूमा संलग्न नगराउने निर्णय भएको’ उल्लेख छ।
|
पत्रको रुपन्देही जिल्ला क्रिकेट सङ्घ र नेपाल क्रिकेट अम्पायर्स तथा स्कोर सङ्घलाई बोधार्थ दिइएको छ