रास्वपा बागमती प्रदेश प्रशिक्षक नक्कली प्रमाणपत्रकाे धन्दामा पक्राउ, पार्टीले गर्याे निलम्बन !

Breaking News

- न्युज नेपाल

काठमाडौं । नेपाल र भारतका विभिन्न विश्वविद्यालयका नक्कली शैक्षिक प्रमाणपत्र बनाएको आरोपमा पक्राउ परेका रास्वपाका बागमती प्रदेश प्रशिक्षण विभाग संयोजक हरिप्रसाद कँडेललाई पार्टीले निलम्बन गरेको छ ।

चितवनको कालिका नगरपालिका–५ पदमपुर घर भएका कँडेललाई विभिन्न विश्वविद्यालयको नक्कली सर्टिफिकेट बनाइदिएको प्रारम्भिक अनुसन्धानबाट खुलेको सँगै प्रहरीले पक्राउ गरेको थियो ।

यस प्रमरणमा, प्रहरीले साउन ३० गते रुपन्देहीको बेलसिया बसपार्कबाट विभिन्न विश्वविद्यालयका सयौँ नक्कली ट्रान्सकिप्टसहित एक भारतीय नागरिकलाई पक्राउ गरेको थियो । ती भारतीयमाथि अनुसन्धान हुँदा उनले कँडेलका लागि काम गर्दै आएको बयान दिएपछि यस्तो खुलासा भएको हो ।

आफ्नो नामको अघि डाक्टर लेख्दै आएका कँडेल पूर्व शिक्षक तथा प्राधानाध्यापकसमेत हुन् । उनलाइ यसअघि नक्कली सर्टिफिकेटकै विवाद सार्वजनिक भएपछि प्रधानाध्यापक हुन अयोग्य ठहर भएको पनि स्रोतले बताएको छ । पदमपुरको भिमोदय माविको प्रधानाध्यापक रहेको बेला अख्तियारमा उजुरी परेपछि उनी पदका लागि अयोग्य ठहर भएका थिए।

उनले पछिल्लो समय चितवनको लायन्स चोकमा ‘कलेज कोच नेपाल’ नामक शैक्षिक परामर्श केन्द्र सञ्चालन गर्दै आएको बताइन्छ । खासगरी वैदेशिक रोजगारीको लागि युरोप जानेहरुको लागि उनले नक्कली प्रमाण पत्र बनाइदिने गरेको बताइएको छ ।