भारत र चीनकाे लिपुलेक सम्झाैता नेपालकाे सार्वभाैमिकता विरूद्ध, तत्काल कुटनीतिक पहल गर्नुपर्छः एमाले दार्चुला

breaking news

- न्युज नेपाल

काठमाडौं । नेकपा एमाले दार्चुलाले भारत र चीनबीच नेपाली भूमि लिपुलेकलाई व्यापारिक नाकाका रूपमा पुनः प्रयोग गर्न भएको सम्झौताबारे तत्काल ठोस कदम चाल्न सरकारसँग माग गरेको छ ।

दार्चुलाको खलंगामा शनिबार र आइतबार दुई दिनसम्म चलेको नेकपा एमाले जिल्ला कमिटी बैठकले एक विज्ञप्ती सार्वजनिक गर्दै घटनाप्रति तत्काल ठोस कूटनीतिक पहल गरेर नेपालको अधिकार र स्वाभिमान जोगाउनका लागि ठोस कदम चाल्न सरकारसँग माग गरेको हो ।

विज्ञप्तीमा भनिएकाे छ,‘नेपालको संविधान, ऐतिहासिक नक्सा र दस्तावेजहरूले स्पष्ट रूपमा प्रमाणित गरेको लिपुलेक, लिम्पियाधुरा र कालापानी नेपालको अविभाज्य अङ्ग हुन्,’ जिल्ला अध्यक्ष ज्ञानेन्द्र घर्तीद्वारा जारी विज्ञप्तिमा भनिएको छ, ‘लिपुलेकका विषयमा कुनै तेस्रो पक्षले आफ्नो हितका लागि सम्झौता गर्नु अस्वीकार्य, असंवैधानिक, साम्राज्यवादी र औपनिवेशिक प्रवृत्तिबाहेक अरु केही होइन ।’

‘नेकपा (एमाले) दार्चुला सम्पूर्ण नेपाली जनता, राजनीतिक दल, बुद्धिजीवी, नागरिक समाज र युवाहरूलाई यो मुद्दामा एकताबद्ध भई राष्ट्रिय स्वाभिमानको रक्षार्थ दृढतापूर्वक आवाज उठाउन आह्वान गर्दछ,’ विज्ञप्तिमा उल्लेख छ ।