किमा थाङ्का नाका सरकारको उच्च प्राथमिकतामा छ: मुख्यसचिव अर्याल

breaking news

काठमाडौं । नेपाल सरकारका मुख्य सचिव एकनारायण अर्यालले उत्तरी क्षत्रेको संखुवासभा जिल्लाकाे किमाथाङ्कानाका सरकारको उच्च प्राथमिकतामा भएका कारण चलायमान बनाउनुपर्ने बताएका छन् । जिल्ला भ्रमणमा संखुवासभा पुगेका मुख्य सचिव अर्यालले प्रधानमन्त्रीको चीन भ्रमणमा समेत उत्तरी नाकाका विषयमा समेत छलफल भएको जानकारि दिएका छन् ।

सोमबार सङ्खुवासभाको सदरमुकाम खाँदवारिमा आयोजित नागरिक सन्तुष्टि र सुशासन प्रवर्द्धनमा सार्वजनिक निकायको भूमिका विषयक अन्तर्क्रिया कार्यक्रमलाई सम्बोधन गर्दै मुख्य सचिव अर्यालले यस्तो कुरा बताएका हुन् ।

उत्तरी क्षेत्रको नाका नेपाल, चीन र भारतलाई जोड्ने महत्त्वपूर्ण प्रवेशद्वारको रूपमा भएको अर्यालको भनाई छ । त्रिदेशीय लिङ्क रोडले किमाथाङकालाई कोसी प्रदेशलाई मात्र नभई सिङ्गो नेपाललाई सुगम बनाउने बताए ।

अरुण तेस्रो जलविद्युत आयोजना लगायतका विकास निर्माणको काम सन्तोसजनक रहेको समेत मुख्य सचिव अर्यालले जानकारी दिए । उत्तर दक्षिण सडक बाह्रै महिना सञ्चालन हुने र निर्माणले देशको संवृद्धि हुने बताए ।त्यस्तै गरी योगमाया विश्वविद्यालयलाई सञ्चालन गरेर आयुर्वेद क्षेत्रमा नेपाललाई चिनाउन सकिने बताए ।

कार्यक्रममा बोल्दै मुख्य सचिव अर्यालले सरकारी कार्यालयमा देखिने ढिलासुस्तीको प्रवृत्ति अन्त्य गर्नु पर्ने बताए । उनले कर्मचारीलाई सेवा ढिलाइ गरेर जनतालाई दुःख दिने काम तत्काल बन्द गर्न आग्रह गरे। मुख्य सचिव अर्यालले सरकारी सेवा प्रवाह चुस्त दुरुस्त बनाउन कर्मचारीलाई निर्देशन समेत दिएका छन् ।