एमालेकाे युवा संघलाई मोटरसाइकल र्‍याली र सभा गर्न रोक !

breaking news

- न्युज नेपाल

काठमाडौं । काठमाडौं जिल्ला प्रशासन कार्यालयले नेकपा एमाले सम्बद्ध युवा संघलाई मोटरसाइकल र्‍याली र सभा गर्न रोक लगाएको छ ।

युवा संघले शनिबार काठमाडौंमा मोटरसाइकल र्‍याली र आयोजना गर्ने घोषणा गरेको थियो । तर काठमाडौंका प्रमुख जिल्ला अधिकारी ईश्वरराज पौडेलले कुनै पनि समूह वा संगठनलाई र्‍याली, जुलुश र सभा जस्ता कार्यक्रम गर्न अनुमति नदिइएको जनाएका छन् ।

‘गत भाद्र २३ गतेको जेनजी आन्दोलन पछिका दिनमा भएको तोडफोड, आगजनी तथा सार्वजनिक र निजी सम्पत्तिहरुमा भएको क्षति समेतका घटनाहरु हुन पुगेको यहाँहरु सबैलाई विदितै छ,’ सूचनामा भनिएको छ, ‘शान्ति सुरक्षाको स्थिति बनाईराख्न, सार्वजनिक सम्पत्तिको संरक्षण गर्दै सेवा प्रवाह सूचारु गर्ने कार्यहरु शुरु भएका छन्। यसै सिलसिलामा विभिन्न समूहहरुबाट हुने भनिएका र्‍याली, जुलुश, धर्ना, सभा र प्रदर्शन जस्ता गतिविधिहरुले सुरक्षा चुनौति बढाउन सक्ने र आम नागरिकलाई सुरक्षाको प्रत्याभूति गराउने कार्यमा थप जटिलताको अवस्था हुन जाने भएको हुँदा यस कार्यालयबाट त्यस प्रकारका कुनै पनि र्‍याली, प्रदर्शन जस्ता कार्यक्रम गर्न कोही कसैलाई पनि स्वीकृति प्रदान नगर्ने भनी निर्णय भएको छ।’

गत महिनाकाे भदाै २३ र २४ गते भएकाे जेनजी प्रदर्शन पछि केहि समय माैन रहेकाे युवा संघ पछिल्लाे साताबाट सक्रिय गतिविधि गर्दै अाएकाे छ । हिजाे मात्रै नेकपा एमाले भक्तपुरकाे अायाेजनामा कार्यकर्ता भेटघाट कार्यक्रम गरेकाे थियाे भने उक्त कार्यक्रममा नेकापा एमालेका अध्यक्ष तथा पूर्वप्रधानमन्त्री केपी शर्मा अाेली र एमाले महासचिव शकंर पाेखरेलका साथै अन्य नेता कार्यकर्ताले संम्बाेधन गरेका थिए ।