टी–२० विश्वकप छनाेटः आज सुपर सिक्समा नेपाल र यूएई प्रतिस्पर्धा गर्दै !

breaking news

- न्युज नेपाल

काठमाडौं । नेपालले आईसीसी टी–२० विश्वकपको एसिया तथा इस्ट एसिया प्यासिफिक छनोटको सुपर सिक्समा आइतबार संयुक्त अरब इमिरेट्स (यूएई)सँग प्रतिस्पर्धा गर्दैछ ।

नेपाल समूह ‘बी’को विजेता र यूएई समूह ‘ए’को विजेताका रुपमा अन्तिम ६ मा प्रवेश गरेका थिए । जसमा नेपाल र यूएईले दुई अंकका साथ नेपाली समयअनुसार ४ः१५ मा ओमानस्थित अल अमिरत क्रिकेट स्टेडियममा प्रतिस्पर्धा गर्दैछन्। हालसम्म नेपाल र युएईले टी–२० अन्तर्राष्ट्रियमा १० पटक एकअर्कासँग प्रतिस्पर्धा गरेका छन् जसमा दुवै टिमले ५–५ पटक जित निकालेका छन्।

जारी प्रतियोगितामा सहभागी नौ वटा टोलीलाई तीन समूहमा विभाजन गरिएको थियो। जसमा छ वटा टोली समूह विजेता र उपविजेताको रुपमा सुपर सिक्समा प्रवेश गरेका थिए । जसअन्तर्गत समूह ‘ए’बाट यूएई र कतार, समूह ‘बी’बाट नेपाल र जापान तथा समूह ‘सी’बाट ओमान र सामोअले अन्तिम ६ मा स्थान बनाएका छन्।

सुपर सिक्सबाट शीर्ष तीनमा रहने टोलीले अर्को वर्ष भारत र श्रीलंकामा हुने टीट्वेन्टी विश्वकपमा स्थान बनाउनेछ। अहिलेसम्म अहिलेसम्म १७ टोलीले विश्वकपमा स्थान पक्का गरिसकेका छन्। अब एसिया तथा इस्ट एसिया प्यासिफिक छनोटबाट तीन टोलीले अन्तिम २० मा स्थान बनाउने छन्।