सन् २०२३ मा हमासकाे आक्रमणमा मारिने अन्य १० नेपाली काे-काे थिए ?

काठमाडौं । सन् २०२३ नोभेम्बर १७ प्यालेस्टाइनी कट्टरपन्थी समूह हमासले इजरायलमा गरेको आक्रमणमा परी १० जना नेपालीको मृत्यु भएको थियो । भने उक्त आक्रमणमा अपहरणमा परेका विपिन जोशी पनि जिवित नरहेको भनेर हालै इजरायली सेना आईडीएफले औपचारिक रूपमा बताएपछि मृत्यु हुनेको संख्या ११ पुगेको छ । त्यस आक्रमणमा अन्य नेपालीहरू पनि घाइते भएका थिए।

हमास र इजरालीहरू लामाे समयदेखिका दुस्मनहरू हुन् । करिब ५२ वर्षअघिको योम किपर युद्ध सुरु भएको दिन (६ अक्टोबर)को भोलिपल्ट पारेर उक्त दनि हमासले इजरायलमाथि ठूलो आक्रमण गरेको थियो । इजरायली अधिकारीहरुका अनुसार यो आक्रमणमा परी लगभग १२ सयजनाको हत्या भएको थियो भने नेपालका विपिन जोशी सहित २५१ जनालाई बन्दी बनाएका थिए ।

तत्कालीन इजरायलका लागि नेपाली राजदूत कान्ता रिजालका अनुसार मृत्यु हुनेमा घोडाघोडी–४ कैलालीका नारायण न्यौपाने, जयपृथ्वी–६ बझाङका गणेशकुमार नेपाली, बाउनिया–३ कैलालीका आशिष चौधरी, लेकाम–५ दार्चुलाका दिपेशराज विष्ट, सपही–६, धनुषाका आनन्द साह र मधुवन–१, सुनसरीका राजेशकुमार स्वर्णकार छन् ।

यस्तै पाँचनली–डोटीका राजन फुलारा, लामिखाल–८ डोटीका पदम थापा, सारदा–३ सल्यानका प्रवेश भण्डारी र मालिकार्जुन–४ दार्चुलाका लोकेन्द्र सिंह धामीको पनि मृत्यु भएको थियो।त्यस्तै, शारदा–२ सल्यानका विधान सेजुवाल, दंगीशरण–३ दाङका प्रवीण डाँगी, गोरखा–८ गोरखाका हिमाञ्चल कट्टेल, टीकापुर–९ कैलालीका धनबहादुर चौधरी घाइते भएका थिए ।

नेपालबाट करिब २६५ जना विद्यार्थी इजरायल सरकारको ‘लर्न एन्ड अर्न’ कार्यक्रम अन्तर्गत गएका थिए । उनीहरुमध्ये १७ जना गाजा क्षेत्र नजिक दक्षिणी इजरायलको किबुज अलुमिम भन्ने क्षेत्रमा भएको आक्रमणमा परेका थिए । साे आक्रमण पछि सुरू भएकाे इजरायल हमासबिचकाे द्वन्द अहिले अमेरीका सहितका राष्ट्रहरूकाे मध्यस्थतामा अन्त्य हुने क्रममा रहेकाे छ । साेही अनुसार हमासले बन्धक बनाएका २० जना बन्दीहरूकाे रिहाइ समेत गर्दैछ ।

विपिन जोशी जीवित नरहेको आइडिएफले गर्याे औपचारिक घोषणा !

Comments

• विपिन जाेशी
• विपिन जाेसी