ताजा समाचार

हायात हाेटल बन्द, तत्काल सञ्चालन गर्न सकिन्न किन ?

breaking news
- न्युज नेपाल
       

काठमाडौं । गत भदौ २३ र २४ गते जेनजी आन्दोलनका क्रममा होटल परिसरमा तोडफोड र आगजनीका कारण संरचनागत क्षति पुगेपछि होटल सञ्चालन गर्न नसकिने अवस्थामा पुगेको बताउँदै पाँचतारे होटल ह्यात रेजेन्सी अस्थायी रूपमा बन्द गरिएको छ ।

होटल प्रशासनका अनुसार क्षतिग्रस्त संरचनाको मर्मत तथा पुनर्निर्माण कार्य तत्काल सुरु गर्नुपर्ने भएकाले बन्द गरिएको हो । सो क्रममा सुरक्षाको संवेदनशीलता र जोखिमलाई ध्यानमा राख्दै होटलबाट प्रवाह भइरहेका सम्पूर्ण व्यवसायिक सेवा पूर्ण रूपमा बन्द गरिएको होटल प्रशासनले जनाएको छ ।

ह्यात रेजेन्सीले श्रमिक युनियनसँग छलफल गरी निर्णय लिइएको उल्लेख गर्दै सबै कर्मचारीलाई आगामी सूचना नआउँदासम्म बिदामा रहने जानकारी दिएको छ । भदौ अन्त्यतिर भएको प्रदर्शनका क्रममा तोडफोड र आगजनीका कारण होटलका केही भागमा ठूलो क्षति पुगेको जनाइएको छ ।

Comments

प्रकाशित मिति : 2025-10-24

अरु समाचार

© NewsNepal 2018 - All Right Reserved.
newsnepal.com 2017.hlon.org