‘उत्साहजकरुपमा हुँदैछ मतदाता नामावली संकलन’

breaking news

काठमाडौं । आगामी प्रतिनिधिसभा निर्वाचनलाई लक्षित गर्दै देशभर मतदाता नामावली संकलन कार्य तीव्र गतिमा जारी रहेको छ। निर्वाचन आयोगका प्रवक्ता नारायणप्रसाद भट्टराईका अनुसार पछिल्ला दिनमा नागरिकहरू उत्साहपूर्वक नामावली दर्ता गराइरहेका छन्। आयोगले जानकारी दिएको अनुसार यो संकलन आगामी कात्तिक ३० गतेसम्म जारी रहनेछ।

आगामी फागुन २१ गते हुने प्रतिनिधिसभा सदस्य निर्वाचनका लागि फागुन २० गतेसम्म १८ वर्ष उमेर पूरा गर्ने र नागरिकताको प्रमाणपत्र प्राप्त गरेका नेपाली नागरिक मात्र मतदान गर्न योग्य हुनेछन्। त्यसैले आयोगले सो मितिभन्दा अघि नामावलीमा नाम दर्ता गर्न सबैलाई पुनः आग्रह गरेको छ।

हाल मतदाता नामावली दर्ता केन्द्रहरूमा अत्यधिक भीड देखिएको र सर्भरमा चाप बढ्दा सेवाग्राहीलाई केही असुविधा भएको गुनासो आएको आयोगले जनाएको छ।

निर्वाचन सम्पन्न भएपछि भने विगतझैँ १६ वर्ष उमेर पूरा गरी नागरिकताको प्रमाणपत्र लिएका सबै नेपाली नागरिकले मतदाता नामावलीमा आफ्नो नाम दर्ता गर्न सक्ने व्यवस्था रहने आयोगले स्पष्ट पारेको छ।