नेपाल एयरलाइन्सको अर्को ट्विनअटर मर्मतपछि नियमित सेवामा

breaking news

- न्यूज नेपाल

काठमाडाैं । नेपाल एयरलाइन्सले ग्राउण्डेड गरेर राखेको ‘अल्फा ब्राभो ट्यांगो’को मर्मत र परीक्षण उडान सफलतापूर्वक सम्पन्न गरेको छ ।

दुर्गम क्षेत्रमा सेवा दिदै आएको ट्विनअटरले अब नियमित सेवा दिनेछ ।

दुर्गम क्षेत्रमा दिने गरिएको हवाई सेवा अब थप प्रभावकारी हुने र यसले दुर्गमका क्षेत्रका यात्रुलाई सहजतापूर्वक गन्तव्यमा पुग्न सहज हुने अपेक्षा लिएको नेपा वायु सेवा निगमका निमित्त महाप्रवन्धक जनकराज कालाखेतीले जानकारी दिएका छन् ।

निर्देशक कालाखेतीको निर्देशनपछि आवश्यक मर्मत सोमबार पूरा गरेर बुधबार परीक्षण उडान सफलतापूर्वक सम्पन्न भएको निगमका एक अधिकारीले जनाए ।

यो जहाज सेप्टेम्बर २०२५ देखि इन्जिन मर्मत र वार्षिक जाँचका लागि तत्कालीन कार्यकारी अध्यक्ष युवराज अधिकारीले ग्राउन्डेड गरेर राखेका थिए ।

बिग्रेको जहाजको सफल परीक्षणपछि नेपाल एयरलाइन्सले आफ्ना दुवै ट्विनअटर जहाजमार्फत मंगलबारदेखि आन्तरिक व्यावसायिक उडान पुनः सुरू भएको जनाएको छ।