गगनलाई प्रश्न, ‘देउवाकै हस्ताक्षरमा चुनाव लड्ने हो?’

breaking news

- न्यूज नेपाल

काठमाडौं । नेपाली कांग्रेसका महामन्त्री गगन थापाले आगामी निर्वाचनमा वर्तमान सभापती शेरबहादुर देउवाकाे हस्ताक्षरबाट चुनाव नलड्ने बताएका छन् । सामाजिक सञ्जालमा एक सन्देश जारि गर्दै यस्तो बताएका हुन् ।

त्यस्तै, महामन्त्री थापाले विशेष महाधिवेशनबाट नेपाली कांग्रेसको नेतृत्वमा परिवर्तन आउँने पनि जिकिर गरेका छन् ।

थापाले सामाजिक सञ्जालमा व्यक्त गरेको धारणा जस्ताको त्यस्तै

बिहानदेखि धेरै साथीहरूले सोधिरहनुभएको छ ‘पार्टीले वर्तमान सभापतिज्यूकै हस्ताक्षरमा चुनाव लड्ने भएको हो?

मैले भने; होइन।

साथीहरूले फेरी सोध्नुभयो कसरी?

मैले भने; प्रष्ट छ – अब विधान बमोजिम समयभित्रै विशेष महाधिवेशन हुन्छ। त्यहीँबाट नयाँ सभापतिको निर्वाचन हुन्छ। नयाँ सभापतिको हस्ताक्षर सहित निर्णय सच्चिएर निर्वाचन आयोगमा जान्छ। नयाँ नीति र नेतृत्वसहित त्यही हस्ताक्षरमा पार्टी चुनाव लड्छ।

यही कारण हो हामीले निर्वाचन अगाडि नै महाधिवेशन भनेको। अब विशेष महाधिवेशनको विकल्प छैन।

कुरा स्पष्ट छ, अलमलमा नपरौं।