विनोद भण्डारीको अर्धशतकमा सुदूरपश्चिमको लगातार चौथो जित !

Breaking News

- न्यूज नेपाल

काठमाडौं । सुदूरपश्चिम रोयल्सले नेपाल प्रिमियर लिग (एनपिएल)मा अपराजित यात्रा जारी राखेको छ ।

त्रिभुवन विश्वविद्यालय अन्तर्राष्ट्रिय क्रिकेट मैदानमा बिहीबार भएको खेलमा सुदूरपश्चिम रोयल्सले लुम्बिनी लायन्सलाई सात विकेटले हरायो । सुदूरपश्चिम चार खेलमा अपराजित रहने एक्लो टोली समेत बनेको छ । जितका लागि एक सय ४४ रनको मध्यम लक्ष्य पछ्याएको सुदूरपश्चिमले १८.२ओभरमा तीन विकेटको क्षतिमा एक सय ४५ रन जोड्दै लक्ष्य पूरा गरेको हो ।

जितसँगै चार खेलबाट आठ अङ्क बनाएको सुदूरपश्चिम शीर्षस्थानमा छ । सुदूरपश्चिम प्लेअफ नजिक पनि पुगेको छ । समान खेलबाट दुई अङ्क बनाएको लुम्बिनी छैटौँ स्थानमा छ । सुदूरपश्चिमका लागि ओपनर विनोद भण्डारीले अविजित अर्धशतकीय इनिङ्स खेलेका छन् । उनले ४९ बलमा पाँच चौका र चार छक्काको सहयोगमा ६९ रन बनाउँदै प्लेयर अफ दि म्याच समेत बनेका छन् ।

यस्तै आरिफ शेखले ३९ र क्रिस लेनले १६ रन बनाएका थिए । बलिङमा लुम्बिनीका अविशेष गौतम, रुवेन ट्रम्पलम्यान र तिलक भण्डारीले एक एक विकट लिए। यसअघि टस हारेर पहिले ब्याटिङको निम्तो पाएको लुम्बिनीले १९।४ ओभरमा ओभरमा सबै विकेटको क्षतिमा एक सय ४३ रन बनाएको थियो ।

लुम्बिनीका लागि कप्तान रोहित पौडेलले सर्वाधिक ३५ रन बनाए । उनले ३६ बलमा तीन चौकाको सहयोगमा उक्त रन बनाए । यस्तै दीलिप नाथले ३१, डी’आर्की सर्ट र सुमित महर्जनले समान १८र१८ र गुलवदिन नईवले ११ रन बनाए ।

बलिङमा सुदूरपश्चिमका अविनाश बोहरा र हर्मित सिंहले तीन तीन विकेट लिए । यस्तै हेमन्त धामीले दुई तथा स्कट कग्लेइजनले एक विकेट लिए ।