‘नेपाल–चीन सम्बन्धको ७० औं सुखद वर्ष सम्झाउने साँझ’

काठमाडौं । नेपाल र चीनबीच कूटनीतिक सम्बन्ध स्थापनाको ७० वर्ष पुरा हुनै लागेको अवसरमा शनिबार साँझ एक विशेष कार्यक्रम आयोजना गरिएको छ । काठमाण्डौको याक एण्ड यति होटलमा आयोजित एक भव्य कार्यक्रममार्फत दुई देशको समस्यारहित सदाबहार सम्बन्धका अनेकौं पलहरुलाई सम्झने काम भएको छ । वि।सं। २०१२ साउन १९ गते तदनुसार १९५५ अगष्ट ३ तारिखका दिन औपचारिक रुपमा स्थापना भएको उक्त सम्बन्धले सात दशक पार गरेको अवसरमा काठमाडौंस्थित चिनियाँ दूतावासले ठूलो जमघटको आयोजना गरेको हो ।

भर्खर नयाँ जिम्मेवारी सम्हाल्न आइपुगेका कार्यवाहक राजदूत ९चार्ज डे अफेयर्स० चौ पानको निम्तो मान्न मन्त्रीगण,संवैधानिक अङ्गका पदाधिकारीहरु,सचिवलगायत सरकारी उच्च अधिकारीहरु,विभिन्न कूटनीतिक नियोगका कर्मचारीहरु,समाजका गण्यमान्य भद्रभलाद्मीहरु,सुरक्षा प्रमुखहरु,विभिन्न मैत्री संघ, संगठनका प्रतिनिधि तथा सञ्चारकर्मी र विभिन्न क्षेत्रमा कार्यरत चिनियाँ नागरिकहरुको आजको जमघटमा बाक्लो उपस्थिति थियोे ।

भर्खर नयाँ जिम्मेवारी सम्हाल्न नेपाल आइपुगेका कार्यवाहक राजदूत (चार्ज डे अफेयर्स) चौ पानको निम्तो मान्न उपसभामुख,मन्त्रीगण,संवैधानिक अङ्गका पदाधिकारीहरु,सचिवलगायत सरकारी उच्च अधिकारीहरु,विभिन्न कूटनीतिक नियोगका कर्मचारीहरु,समाजका गण्यमान्य भद्रभलाद्मीहरु,सुरक्षा प्रमुखहरु,विभिन्न मैत्री संघ, संगठनका प्रतिनिधि तथा सञ्चारकर्मी र विभिन्न क्षेत्रमा कार्यरत चिनियाँ नागरिकहरुको बाक्लो उपस्थिति थियोे ।

यसबीच नेपाल चाइना मिडिया फोरमले साढे ३ सय पृष्ठमा समेटिएको दुई देशको सम्वन्धका विविध आयाम झल्कने पुस्तक प्रकाशन गरेको छ भने दूतावासको सौजन्यमा नेपाली पर्यटन व्यवसायी र सन्चारकर्मीका लागि चिनियाँ भाषा तालिम पनि चलाइएको छ । गत हप्ता मात्रै पनि चौथो नेपाल चाइना सन्चार सम्मेलन सम्पन्न भएको छ । यसवीच हिमालय क्षेत्रको सांस्कृतिक तथा सिर्जनात्मक उत्पादन प्रवर्धन गर्ने उध्देश्यसहित ‘विश्व अमूर्त सांस्कृतिक धरोहर’ प्रदर्शन र सिजाङ सांस्कृतिक सप्ताह मनाइएको छ । वर्षभरी जसो विभिन्न सांस्कृतिक प्रदर्शनी,खेलकुद, कूटनीतिक स्वागत कार्यक्रम र अन्य सहभागितामुलक कार्यक्रमहरू समेत आयोजना गरिएको र यो क्रम आउँदो बर्ष अझ बिस्तार हुने समेत बुझिएको छ ।

Comments