नेप्सेको उच्च वृद्धि एक दिन पनि टिक्न सकेन, १० अंकले घट्यो

काठमाडौं । नेप्सेको उच्च वृद्धि एक दिन पनि टिक्न सकेन । अघिल्लो दिन ४७ दशमलव ५५ अंकले बढेको नेप्से साताको दोस्रो कारोबार दिन आज सोमबार १० दशमलव ५३ अंकले घटेर २६ सय २२ दशमलव ८८ अंकमा झरेको छ ।

यसैगरी सेन्सिटिभ इन्डेक्स पनि एक दशमलव ४७ अंकले घटेर चार सय ५५ दशमलव ३१ अंकमा झरेको छ । नेप्सेमा आज तीन सय ३७ वटा कम्पनीहरुको ६९ हजार पाँच सय ४८ पटकको कारोबारमा एक करोड ३७ हजार तीन सय सात कित्ता शेयर खरिद बिक्री भएकोमा कुल कारोबार रकम चार अर्ब ७७ करोड ४७ लाख ८६ हजार ३४ रुपैंयाँ पुगेको छ ।

नेप्सेमा आज १३ वटा समूहहरुको सेयर कारोबार भएकोमा दुईवटा समूहहरुको सूचक बढेर बाँकी समूहहरुको सूचक घटेका छन् । जसमध्ये बिकास बैंक समूहको सूचक ३६ दशमलव ६३ अंकले बढेर ५४ सय ६६ दशमलव ९७ अंकमा पुगेकोमा सामूहिक लगानी कोष समूहको सूचक पनि शुन्य दशमलव शुन्य पाँच अंकले बढेको छ ।

यि बाहेक वाणिज्य बैक समूहको सूचक पाँच दशमलव ३१ अंकले घटेर १३ सय ६७ दशमलव १६ अंकमा झरेकोमा फाइनान्स समूहको सूचक पनि एक दशमलव सात अंकले घटेर २३ सय २१ दशमलव तीन अंकमा झरेको छ ।

जलबिद्युत समूहको सूचक पनि २६ दशमलव ३५ अंकले घटेर ३३ सय ३१ दशमलव ६२ अंकमा झरेकोमा जीवन बीमा समुहको सुचक पनि एक सय १२ दशमलव १४ अंकले घटेर १२ हजार नौं सय ५९ दशमलव ६१ अंकमा झरेको छ ।

निर्जीवन बिमा समुहको सूचक पनि २५ दशमलव १२ अंकले घटेर १० हजार नौ सय ५३ दशमलव ५६ अंकमा झरेकोमा होटल तथा पर्यटन, लगानी उत्पादनमुलक, लघुवित्त, अन्य र व्यापार समुहको सुचक पनि क्रमशः आठ दशमलव ४०, शून्य दशमलव २२, एक, चार दशमलव १८, १९ दशमलव ५२ र २४ दशमलव २० अंकले घटेका छन् ।

नेप्सेमा आज बढी कमाउने कम्पनीहरुको सुचीमा पहिलो स्थानमा एसवाई प्यानल लिमिटेड परेको छ भने बढी गुमाउने कम्पनीहरुको सूचीमा पहिलो स्थानमा वीन लघुवित्त वित्तीय संस्था परेको छ । यसैगरी बढी रकम कारोबार गर्नै कम्पनीहरुको सुचीमा पनि पहिलो स्थानमा एसवाई प्यानल लिमिटेड परेको छ ।

Comments