ट्रम्पले आफूलाई घोषणा गरे भेनेजुएलाको कार्यवाहक राष्ट्रपति

breaking news

- न्यूज नेपाल

काठमाडौं । अमेरिकी राष्ट्रपति डोनाल्ड ट्रम्पले सामाजिक सञ्जालमार्फत आफूलाई भेनेजुएलाको कार्यवाहक राष्ट्रपति भएको दाबी गर्दै सनसनी फैलाएका छन्। उनले आफ्नै सामाजिक सञ्जाल प्लेटफर्म ट्रुथ सोसल मा एउटा डिजिटल रूपमा सम्पादित तस्बिर सेयर गर्दै यस्तो दाबी गरेका हुन्।

ट्रम्पले सेयर गरेको तस्बिरमा उनलाई ‘भेनेजुएलाको कार्यवाहक राष्ट्रपति’ भनेर उल्लेख गरिएको देखिन्छ। उक्त तस्बिर भेनेजुएलामा पछिल्लो समय देखिएको राजनीतिक घटनाक्रमलाई आधार बनाएर डिजिटल रूपमा तयार गरिएको जस्तो देखिन्छ।

ट्रम्पको उक्त पोस्टलाई धेरैले व्यंग्यात्मक तथा राजनीतिक सन्देशका रूपमा लिएका छन्। यद्यपि, अमेरिकी सरकार वा अन्तर्राष्ट्रिय समुदायबाट ट्रम्पलाई भेनेजुएलाको कार्यवाहक राष्ट्रपति मान्यता दिइएको छैन।

ट्रम्पले यसअघि भेनेजुएलामा सैन्य कारबाही गरेर त्यहाँका राष्ट्रपति निकोलस मादुरोलाई पक्राउ गरी विश्वभर हलचल मच्चाएका थिए ।

अमेरिका भेनेजुएलामा के चाहन्छ ?

विश्लेषकहरूका अनुसार अमेरिका भेनेजुएलाको विशाल तेल स्रोतमा आफ्ना तेल कम्पनीको पहुँच विस्तार गर्न चाहन्छ। त्यहाँको तेल उत्पादन र पूर्वाधार पुनर्निर्माण गरी विश्व बजारमा भेनेजुएलाको तेल बिक्रीमा प्रभाव कायम राख्ने अमेरिकी रणनीति रहेको बताइन्छ। ट्रम्प प्रशासनले यसलाई आर्थिक पुनर्निर्माण र स्थायित्वको बहससँग जोड्दै आएको छ।