गगनको सभापतित्वमा काँग्रेसको पहिलो कार्यसमिति बैठक बस्दै !

New Post

- न्यूज नेपाल

काठमाडौं । विशेष महाधिवेशनबाट निर्वाचित नेपाली कांग्रेस केन्द्रीय समितिको पहिलो बैठक आज कुपोन्डोलको एक बैंक्वटमा बस्दै छ।

कांग्रेसका नवनिर्वाचित सहमहामन्त्री उदय शमशेर राणाले सञ्चारमाध्यमलाई दिएको जानकारीअनुसार गगन थापाको नेतृत्वमा निर्वाचित केन्द्रीय समितिको पहिलो बैठक अहिले बिहान १०ः३० बजे बस्ने भएको हो।

काठमाडौँको भृकुटीमण्डपमा सम्पन्न कांग्रेसको दोस्रो विशेष महाधिवेशनले बुधबार बेलुका मात्र थापालाई सभापतिमा सर्वसम्मत चयन गर्दै केन्द्रीय कार्यसमिति गठन गरेको हो।

पुस २७ देखि ३० गतेसम्म भृकुटीमण्डपमा भएको कांग्रेसको विशेष महाधिवेशनले १३ पदाधिकारीसहित १६६ सदस्यीय कार्यसमिति घोषणा गरेको हो। यो सँगै नेपाली कांग्रेस दुई फ्याक भएको छ।

संस्थापन सभापति शेरबहादुर देउवाको पक्षले बुधबार केन्द्रीय कार्यसमिति बैठक राखेर दुवै महामन्त्री थापा र शर्मालाई अनुशासनको कारबाही भन्दै पाँच वर्षका लागि पार्टीबाट निष्कासन गरिएको घोषणा गरेको छ।