शेयर बजारमा देखियो उछाल, झण्डै ६५ अंकले बढ्दा २१ अर्ब २२ करोडको शेयर किनबेच

काठमाडौं । शेयर बजारमा उछाल देखिएको छ । साताको अन्तिम कारोबार दिन आज बिहिबार नेप्से ६४ दशमलव ६९ अंकले बढेर २८ सय ७७ दशमलव शुन्य तीन अंकमा पुगेको छ । यसैगरी क बर्गका कम्पनीहरुको कारोबार मापन गर्नै सेन्सिटिभ इन्डेक्स पनि ११ दशमलव ६३ अंकले बढेर चार सय ९४ दशमलव १९ अंकमा पुगेको छ ।

नेप्सेमा आज तीन सय ४२ वटा कम्पनीहरुको एक लाख ९१ हजार दुई सय ५१ पटकको कारोबारमा पाँच करोड ६९ लाख २० हजार छ सय आठ कित्ता शेयर खरिद बिक्री भएकोमा कुल कारोबार रकम २१ अर्ब २२ करोड ३४ लाख ९४ हजार आठ सय ८६ रुपैयाँ पुगेको छ ।

नेप्सेमा आज १३ वटा समुहहरुको शेयर कारोबार भएकोमा सबै समुहहरुको सुचक बढेर नेप्से पुरै हरियो भएको छ । जसमध्ये बाँणिज्य बैंक समुहको सुचक ४६ दशमलव ६९ अंकले बढेर १५ सय २२ दशमलव ८९ अंकमा पुगेकोमा बिकास बैंक समुहको सुचक पनि दुई सय ४० दशमलव २२ अंकले बढेर छ हजार तीन सय १२ दशमलव ९३ अंकमा पुगेको छ ।

फाईनान्स समुहको सुचक पनि ५० दशमलव शुन्य चार अंकले बढेर २६ सय २९ दशमलव ५७ अंकमा पुगेकोमा जलबिद्युत समुहको सुचक पनि ८७ दशमलव ८५ अंकले बढेर तीन हजार नौं सय छ दशमलव ३२ अंकमा पुगेको छ ।

जीवन बीमा समुहको सुचक पनि तीन सय ६७ दशमलव २९ अंकले बढेर १३ हजार छ सय ४३ दशमलव शुन्य आठ अंकमा चढेकोमा निर्जीवन बीमा समुहको सुचक पनि दुई सय सात दशमलव ४३ अंकले बढेर ११ हजार छ सय ७७ दशमलव ७८ अंकमा पुगेको छ ।

यि बाहेक होटल तथा पर्यटन, लगानी, उत्पादनमुलक, लघुवित्त, सामुहिक लगानी कोष, अन्य र व्यापार समुहको सुचक पनि क्रमशः एक सय ३० दशमलव ४६, एक दशमलव ९४, एक सय ८३ दशमलव ६०, ६२ दशमलव ६२, शुन्य दशमलव शुन्य एक, ४६ दशमलव ६५ र पाँच दशमलव ६४ अंकले बढेका छन् ।

नेप्सेमा आज बढी कमाउने कम्पनीहरुको सुचीमा पहिलो स्थानमा कर्पोरेट डेभलपमेन्ट बैंक परेको छ भने बढी गुमाउने कम्पनीहरुको सुचीमा पहिलो स्थानमा नेपाल लाईफको समृद्धि योजना परेको छ । यसैगरी बढी रकम कारोबार गर्नै कम्पनीहरुको सुचीमा भने न्यादी ग्रुप पावर कम्पनी लिमिटेड पहिलो स्थानमा परेको छ ।

Comments