ताजा समाचार

काठमाडौँमा आज बिहानको न्यूनतम तापक्रम ११.४ डिग्री सेल्सियस, दिउँसो कस्तो मौसम ?

breaking news
-
       

काठमाडौं । आज (बुधबार), काठमाडौँ उपत्यकाको सुरुवाती न्यूनतम तापक्रम मापन गरिएको छ। मौसम पूर्वमानुमान महाशाखाले नेपालखबरलाई दिएको जानकारीअनुसार आज बिहान ५:४५ बजे काठमाडौँ उपत्यकाको न्यूनतम तापक्रम ११:४ डिग्री सेल्सियस देखिएको छ।

यद्यपि आजको वास्तविक न्यूनतम तापक्रम अहिले बिहान ८:४५ बजे मापन हुन्छ। त्यतिबेला काठमाडौँ उपत्यकाको न्यूनतम तापक्रम सुरुवातको भन्दा थोरै घट्ने सम्भावना हुन्छ भने कहिलेकाहीँ त्यही कायम रहन पनि सक्छ।

हिजो (मंगलबार) सुरुवातमा १३.४ डिग्री सेल्सियस देखिएको काठमाडौँ उपत्यकाको न्यूनतम तापक्रम अन्तिम मापनका बेला पनि यही कायम रह्यो।

यसैबिच आज पनि काठमाडौँ उपत्यकामा साँझपख पानी पर्ने सम्भावना रहेको तर सम्भावना कम देखिएको महाशाखाका मौसमविद् बिनु महर्जनको भनाइ छ। आज दिनभर काठमाडौँ उपत्यकाको मौसम आंशिक बदली हुने सम्भावना छ।

Comments

प्रकाशित मिति : 2026-03-25

अरु समाचार

© NewsNepal 2018 - All Right Reserved.
newsnepal.com 2017.hlon.org