ठमेलमा अभद्र व्यवहार गरेको आरोपमा २० विदेशी महिला पक्राउ

काठमाडौँ, चैत ११ गते । काठमाडौँको प्रमुख पर्यटकीय क्षेत्र ठमेलमा अनैतिक क्रियाकलाप तथा अभद्र व्यवहार गरेको आरोपमा प्रहरीले २० जना विदेशी महिलालाई पक्राउ गरेको छ।

ठमेल क्षेत्रमा घुम्न आउने स्वदेशी तथा विदेशी पर्यटकहरूलाई सार्वजनिक स्थानमै अवैध रूपमा पैसाको बार्गेनिङ गरी यौनजन्य क्रियाकलापका लागि दबाब दिने र सर्वसाधारणलाई दुःख हैरानी दिने गरेको सूचनाका आधारमा प्रहरीले उनीहरूलाई नियन्त्रणमा लिएको हो।

प्रवक्ता पवनकुमार भट्टराईका अनुसार जिल्ला प्रहरी परिसर काठमाडौँ र प्रहरी वृत्त लैनचौरबाट खटिएको टोलीले ठमेलका विभिन्न स्थानमा निगरानी तथा चेकजाँच गर्ने क्रममा काठमाडौँ महानगरपालिका–२६, फायरचोकस्थित सार्वजनिक सडकबाट उनीहरूलाई फेला पारेको थियो। पक्राउ परेका सबै महिलाहरू अफ्रिकी मुलुक युगान्डाका नागरिक हुन्। प्रहरीका अनुसार उनीहरूले बाटो हिँड्ने पुरुष पर्यटक तथा सर्वसाधारणलाई अनावश्यक रूपमा बाटो छेकी अश्लील क्रियाकलापका लागि मोलमोलाई गर्ने र अभद्र व्यवहार गर्ने गरेका थिए।

पक्राउ परेका २० जना विरुद्ध ‘अभद्र व्यवहार गर्न नहुने’ कसुरमा मुद्दा दर्ता गरिएको छ।

जिल्ला प्रशासन कार्यालय काठमाडौँबाट १२ दिनको म्याद थप अनुमति लिई प्रहरी वृत्त लैनचौरले उनीहरूमाथि थप अनुसन्धान गरिरहेको जानकारी दिएको छ ।

पक्राउ पर्नेहरूको विवरण (युगान्डाका नागरिक):

१, नाफुना ब्रेन्डा (Nafuna Brenda)

२, नान्दुत हाजराह (Nandut Hajarah)

३, किराबो प्रोसु (Kirabo Prossu),

४, तुसेमेरिर्वे सिलिभिया (Tushemerirwe Silivia),

५, मार्गरेट कालुले नाबुन्या

६, नाकालेम्बे हसिफा (Nakalembe Hasifa)

७, तुमुसुमे ग्रेस (Tumusume Grace),

८, हागावा हदिजा (Hagawa Hadijah),

९, नाकिम्सरा सादिया (Nakimsra Shadia)

१०, एमबाबजी डाफिने (Mbabzi Daphyne)

११, एम्पिरे सिफ्रा (Ampeire Shifrah)

१२, नान्दुदु बेही (Nandudu Behy)

१३, नामबोजु फ्रान्सिका (Nambozu Franscica)

१४, काहामा हजराह बाकमुलिसा (Kahama Hajarah Bakmulisa)

१५, निमुसिमा म्याक्लिन (Nimusiima Macklean)

१६, नाकातो बेनान्कान्ज्को (Nakato Benankanjko)

१७, नान्जान्जी (Nanyanzi)

१८, नाट्टु कासिता (Nattu Kasita)

१९, नुमान्सी आरविना (Nhumansi Rbinanh)

२०, नाल्वाडा स्पेसियोजा (Nalwadda Specioza) Source: gorkhapatraonline

Comments