रुबीकुमारी ठाकुर बनिन् ‘हालसम्मकै कान्छी’ उपसभामुख

Breaking News

काठमाडौं। धनुषाकी २६ वर्षीया रुबीकुमारी ठाकुर प्रतिनिधि सभाको उपसभामुखमा विजयी भएकी छन् । २०५७ जना सांसद उपस्थित भएर मतदान भएको हो।

हर्क साम्पाङ नेतृत्वको श्रमसंस्कृति पार्टीकी समानुपातिक सांसद उनलाई राष्ट्रिय स्वतन्त्र पार्टी र प्रमुख प्रतिपक्षी नेपाली कांग्रेसले पनि समर्थन गरेपछि उपसभामुखमा विजयी भएकी हुन्। उनी सम्भवतस् विश्वकै कान्छी उपसभामुख रहेको कुरा श्रमसंस्कृतिका अध्यक्ष हर्क साम्पाङले संसद् बैठकमै बताए ।

रुबी संलग्न श्रमसंस्कृतिका ७ सांसदसहित उनले दुईतिहाइभन्दा धेरै मत पाइन् । संसद्मा जम्मा उपस्थित २५६ सांसदमध्ये उनलाई उसभामुख बनाउँदा हुन्छ भन्ने पक्षमा २२९ मत परेको छ। त्यस्तै हुन्न भन्ने पक्षमा राष्ट्रिय प्रजातन्त्र पार्टीको ५ मत परेको छ। उता मत दिन्न भन्ने पक्षमा २२ मत परेको घोषणा सभामुख डोलप्रसाद अर्यालले गरे।

उनले राष्ट्रिय प्रजातन्त्र पार्टीबाट उपसभामुखकी उम्मेदवार सरस्वती लामालाई पराजित गरेकी छन् । सरस्वतीले राप्रपाका केबल ५ सांसदको मात्रै मत पाएकी छन् । उनलाई मत दिन्न भन्ने पक्षमा २१५ मत परेको छ। उता तटस्थ सांसदको संख्या ३७ छ ।