संसदीय समितिमा पत्रकारलाई कडाई गर्ने दाउमा सभामुख अर्याल, पहुँच सिमित गर्ने तयारी तीब्र

breaking news

- न्यूज नेपाल

काठमाडाैं । संसदीय समितिको बैठकमा पत्रकारहरुको पहुँच सिमित पार्ने विषयमा सभामुख डिपी अर्यालले छलफल थालेका छन्।

पत्रकाहरुलाई कसरी पहुँच दिने र कहाँसम्म दिने भन्ने विषयमा सभामुखले संसदीय समितिका सभापतिहरुसंग छलफल गरेका हुन्। यसअघि संसदीय समितिमा पत्रकारले प्राप्त गर्दै आएको सूचना संकलनको पहुँचलाई सिमित गर्नेतर्फ रास्वपाबाट सभामुख चयन भएका अर्यालले तयारी तीब्र पारेका हुन्।

सार्वजनिक लेखा समितिका सभापति भरतबहादुर खड्काले सभामुखले समितिका बैठकमा पहुँच सिमित पार्ने विषयमा छलफल गरेको पुष्टी गरेका हुन्।

पारदर्शीता, लोकतन्त्र र सहजता दिने भन्दै झण्डै दुई तिहाईको बहुमत प्राप्त गरेको रास्वपाले विस्तारै सबै क्षेत्रमा कडाई गर्दै लगेको छ। केहिदिन पहिले प्रधानमन्त्री बालेन्द्र शाहले पनि पत्रकारलाई भिडियो खिच्न नदिन सुरक्षाकर्मीलाई दबाब दिएका थिए । सार्वजनिक रुपम विरोध भएपछि यसलाई उनको सचिवालयले अन्यत्रै मोड्न खोजेको थियो ।

यता, संघीय संसद सचिवालयका प्रवक्ता एकराम गिरीले पनि बैठकमा पत्रकारहरूको प्रवेशबारे कार्यविधि बनाउने विषयमा छलफल भएको बताएका छन्। पत्रकार प्रवेश सम्बन्धी कार्यविधि परिमार्जन गर्ने विषय उठेको उल्लेख गर्दै संसदीय मामिलाका पत्रकारको पहुँच सिमित पार्ने प्रयास चलिरहेको छ।