ताजा समाचार

अमेरिका–इरान युद्ध चाँडै अन्त्य हुने सम्भावना बढेकोे हो ?

विश्व प्रवास
-
       

काठमाडौं । तेलले भरिएका २ वटा चिनियाँ पानीजहाज स्ट्रेट अफ हर्मुज जलमार्गबाट बाहिरिएपछि अमेरिका–इरान युद्ध चाँडै अन्त्य हुने आशा बढेको छ । अमेरिकी राष्ट्रपति डोनाल्ड ट्रम्पले युद्ध ’धेरै चाँडै’ समाप्त हुने बताउनुभएको छ भने उपराष्ट्रपति जेडी भान्सले इरानसँगको वार्तामा प्रगति भइरहेको उल्लेख गर्नुभएको छ ।

साउदी अरब, कतार र संयुक्त अरब इमिरेट्स (यूएई) को अनुरोधमा ट्रम्पले इरानमाथिको योजनाबद्ध सैन्य आक्रमण रोक्नुभएको छ । अरब नेताहरूले सबै पक्षलाई स्वीकार्य सम्झौता हुने विश्वास दिलाएपछि यो निर्णय लिइएको अन्तर्राष्ट्रिय सञ्चारमाध्यमले जनाएका छन् ।

यो सकारात्मक सङ्केतपछि अन्तर्राष्ट्रिय बजारमा कच्चा तेलको मूल्यमा उल्लेखनीय गिरावट आएको छ । विश्वको २० प्रतिशतभन्दा धेरै तेल आपूर्ति हुने हर्मुज जलमार्ग युद्ध शुरू भएदेखि अवरुद्ध छ ।

Comments

प्रकाशित मिति : 2026-05-21

अरु समाचार

© NewsNepal 2018 - All Right Reserved.
newsnepal.com 2017.hlon.org