गलत काम गरिन्न, गलत गर्नेलाई छाडिन्न : वरिष्ठ पत्रकार श्रेष्ठ

काठमाडौं । वरिष्ठ पत्रकार किशोर श्रेष्ठले आफूले पनि गलत काम नगर्ने र गलत काम गर्नेलाई पनि नछाड्ने बताएका छन् । पछिल्लो समय आफूविरुद्ध गरिएको षड्यन्त्रका विषयमा केन्द्रित हुँदै श्रेष्ठले कसैलाई नियतवश ड्यामेज गर्न खोजिन्छ भने त्यो ठीक नहुने प्रष्ट पारेका छन् ।

पछिल्लो समय तानाबानाका साथ हुने\नहुने कुरा समेटेर पत्रकारिता जगतकै बदनाम गर्नेगरी फेक भिडियो बनाइएको श्रेष्ठको दाबी छ । श्रेष्ठले एक सञ्चारमाध्यमसँग भने, ‘यदि हामी गलत थियौं भने तत्काल नेपाल प्रहरीलाई खबर गर्ने थिएनौं । आज त्यसैको आधारमा इन्डिया, अष्ट्रेलिया, मलेसियाको नम्बरबाट तथानाम गाली गरिएको छ ।’

आफूविरुद्धको नियतवश गरिएको षड्यन्तमुलक क्रियाकलाप स्वच्छ पत्रकारिता गर्नेे पत्रकार जगतमाथि कै प्रहार भएको श्रेष्ठले दाबी गरेका छन् । जसले खोज पत्रकारितामार्फत निरन्तर पत्रकारिताको धर्म निर्वाह गर्दै आएको छ उसैमाथि नियतवश बदनाम र अपमान गर्ने कामप्रति श्रेष्ठले विरोध जनाएका छन् ।

‘गौरी बहादुर कार्कीको रिर्पोट बाहिर नल्याएको भए जनता कसरी सूचित हुन्थे ?’ भन्ने वरिष्ठ पत्रकार श्रेष्ठको प्रश्न छ । सुधन गुरुङको बारेमा दुई महिनामा दुई वटा स्टेटमेन्ट आयो भनेर सम्पति विवरणका बारेमा आफूले प्रष्ट नपारेको भए कसले गर्थ्यो भन्ने श्रेष्ठको भनाई छ ।

आफूले समाचार सम्प्रेषण गरेकाले देशबासीले यर्थाथ  थाह पाउने अवसर पाएको श्रेष्ठले जनाए । केटाकेटी खेल, प्रपोगन्डा गर्दैमा पत्रकारको स्वाभिमान नढल्ने श्रेष्ठले चेतावनी दिएका छन् ।

श्रेष्ठ नेपालका चर्चित पत्रकार, सम्पादक तथा प्रेस तथा अभिव्यक्ति स्वतन्त्रताका अभियन्ता हुन् । उनी विशेषगरी सत्य र तथ्यमा आधारित भएर खोजमूलक र राजनीतिक विधामा प्रखर कलम चलाउनका लागि परिचित छन् ।

Comments