ताजा समाचार

गणतन्त्र दिवसमा राष्ट्रपतिकाे सन्देश: सुशासन र समृद्धिमा जोड

New Post
- न्यूज नेपाल
       

काठमाडौँ । राष्ट्रपति रामचन्द्र पाैडेलले संघीय लोकतान्त्रिक गणतन्त्रलाई विश्वकै उत्कृष्ट राजनीतिक व्यवस्था भएको बताउँदै सुशासन, सामाजिक न्याय र समृद्धिका लागि सबै एकताबद्ध हुनुपर्ने बताएका छन्।

१९औँ गणतन्त्र दिवसका अवसरमा टुँडिखेलमा आयोजित समारोहलाई सम्बोधन गर्दै उनले गणतन्त्रले नागरिकलाई राजनीतिक अधिकार, स्वतन्त्रता र राष्ट्र निर्माणको साझा अवसर दिएको उल्लेख गरे।

राष्ट्रपतिले ढिलासुस्ती, अनियमितता र वेथितिलाई देशको सबैभन्दा ठूलो शत्रु भएको बताउँदै राजनीतिक दल, सरकार र नेतृत्वलाई जनउत्तरदायी, नैतिक र परिणाममुखी बन्न आग्रह गरे।

उनले कृषि, पर्यटन, ऊर्जा र सेवा क्षेत्रको विकासमार्फत आर्थिक समृद्धि हासिल गर्न स्रोतको उच्चतम् उपयोग आवश्यक रहेको बताए। साथै, गणतन्त्रको मर्यादा जोगाउँदै नागरिकको जीवनमा आशा र सुशासनको प्रत्याभूति दिलाउनुपर्नेमा जोड दिए।

Comments

प्रकाशित मिति : 2026-05-29

अरु समाचार

© NewsNepal 2018 - All Right Reserved.
newsnepal.com 2017.hlon.org