ताजा समाचार

सर्वोच्चमा पेस हुने रिट निवेदनको दर्ता प्रक्रिया २४ घण्टाभित्र टुङ्याइने

breaking news
-
       

काठमाडौँ । सर्वोच्च अदालतले सेवाग्राहीबाट दर्ताका लागि पेस हुने रिट निवेदनहरूको दर्ता प्रक्रियासम्बन्धी समयसीमा तोक्दै सूचना जारी गरेको छ।

अदालतद्वारा बुधबार जारी सूचनाअनुसार, सेवाग्राहीबाट आवश्यक कागजातसहित पेस भएका रिट निवेदनहरूको दर्ता सम्बन्धी कारबाही सामान्यत: पेस भएको समयदेखि २४ घण्टाभित्र टुङ्याइने व्यवस्था गरिएको छ।

त्यस्तै, दर्ता हुन नसक्ने प्रकृतिका निवेदनहरूको हकमा भने पेस भएको समयदेखि बढीमा ४८ घण्टाभित्र आवश्यक निकासा दिइने अदालतले जनाएको छ।

उक्त सूचना सर्वोच्च अदालतको मुद्दा तथा रिट महाशाखाबाट सम्बन्धित सबै सरोकारवालाहरूको जानकारीका लागि सार्वजनिक गरिएको हो।

 

Comments

प्रकाशित मिति : 2026-06-10

अरु समाचार

© NewsNepal 2018 - All Right Reserved.
newsnepal.com 2017.hlon.org