रास्वपाको पदाधिकारी निर्वाचन : कसले कति मत ल्याए ? (सूची)

काठमाडौं । राष्ट्रिय स्वतन्त्र पार्टी (रास्वपा) को पदाधिकारी निर्वाचनको मत परिणाम सार्वजनिक भएको छ। पार्टी सभापतिमा रवि लामिछाने निर्विरोध निर्वाचित भएका छन् भने वरिष्ठ नेतामा वालेन्द्र शाह यसअघि नै निर्विरोध मनोनीत भइसकेका छन्।

निर्वाचनमार्फत चयन हुने अन्य पदाधिकारीहरूको मत परिणाम भने सार्वजनिक भएको हो। महिला उपसभापतिमा सोविता गौतमले कडा प्रतिस्पर्धामा डा. तोसिमा कार्कीलाई पराजित गर्दै विजयी भएकी छन्। सोविताले ७८९ मत प्राप्त गर्दा तोसिमाले ५७२ मत ल्याएकी हुन्।

महामन्त्री पदमा विपिनकुमार आचार्य ६७३ मतसहित विजयी बने। उनका निकटतम प्रतिस्पर्धी मनिष झाले ३४६ मत प्राप्त गरे भने गणेश कार्कीले १६९ र सागर ढकालले १३९ मत ल्याए। उम्मेदवारी फिर्ता लिने घोषणा गरेकी रञ्जु दर्शनाले पनि ३४ मत प्राप्त गरिन्।

सहमहामन्त्रीतर्फ महिलामा निशा डाँगीले सबैभन्दा बढी मत प्राप्त गरिन् भने पुरुषतर्फ असिम शाह पहिलो बने। सहमहामन्त्री पदका उम्मेदवार हिमेश पन्तले सबैभन्दा कम ५३ मत प्राप्त गरेका छन्। उनले विद्युतीय मतदान र प्रवासबाट आएको मतसहित उक्त मत प्राप्त गरेका हुन्।

हेर्नुस सबै उम्मेदवारहरुले ल्याएको मत:

उपसभापति
सोविता गौतम ७८९
डा. तोसिमा कार्की ५७२

महामन्त्री
विपिनकुमार आचार्य ६७३
मनिष झा ३४६
गणेश कार्की १६९
सागर ढकाल १३९
रञ्जु दर्शना ३४

सहमहामन्त्री (खुला)
असिम साह ४७१
हरि ढकाल ४१०
पुकार बम ३३४
रमेश प्रसाईं ३०७
यज्ञमणि न्यौपाने ३००
सुलभ खरेल २९१
अशोककुमार चौधरी १७९
मिलन लिम्बु १५१
राजिव खत्री १४८
वीरेन्द्र जैरु ११४
हिमेश पन्त ५३

सहमहामन्त्री (महिला)
निशा डाँगी ७३७
रीमा विश्वकर्मा २८२
कामिनीकुमारी चौधरी १४६
विदुषी राणा ८२
जुली यादव ७८

Comments