बाढी प्रभावितका लागि ५ करोड ५ लाख ५० हजार सहयोग गर्ने इप्पानको निर्णय, उद्धार कोषमा कुन समूहले कति जम्मा गरे ?

काठमाडौं । स्वतन्त्र ऊर्जा उत्पादकहरूको संस्था, नेपाल (इप्पान) एवं इप्पान सम्बद्ध जलविद्युत् कम्पनीहरूको तर्फबाट प्रधानमन्त्री दैवी प्रकोप उद्धार कोषमा ५ करोड ५ लाख ५० हजार रुपैयाँ आर्थिक सहयोग गर्ने निर्णय भएको छ । स्वतन्त्र ऊर्जा उत्पादकहरुको संस्था नेपाल (इप्पान) ले गरेको आब्हान अनुसार रसुवा नुवाकोट लगायतका जिल्लामा आएको बाढीबाट प्रभावितहरुको उद्धार तथा राहतका लागि रकम संकलन भएको छ ।

प्राप्त रकमको विवरण हेर्दा बढी रकमको अपेक्षा गरिएको संस्था तथा सहयोगकर्ताबाट एकदमै कम आर्थिक सहयोग गरिएको छ । यस्तै कम आयस्रोत भएका तथा कम अपेक्षा गरिएका केही संस्था तथा सहयोगकर्ताले बढी रकम जम्मा गरेको तथ्यांकले देखाएको छ ।

इप्पानले आब्हान गरेअनुसार विभिन्न संस्था\सहयोगकर्ताबाट प्राप्त रकमको विवरण :-

‘ऊर्जा क्षेत्र नेपालको समृद्धिसँग मात्र होइन, नेपाली जनताको सुख-दुःखसँग पनि जोडिएको क्षेत्र हो । विपद्को समयमा सम्पूर्ण सदस्य कम्पनीहरू एकजुट हुँदा त्यसले पीडित परिवारको जीवनमा ठूलो राहत र आशाको सञ्चार गर्न सक्छ’, इप्पानको विज्ञप्तिमा भनिएको छ,’यस मानवीय अभियानमा इप्पानका सम्पूर्ण सदस्य कम्पनीहरूको सक्रिय र उदारपूर्वक सहयोग गर्न अनुरोध गर्दछौँ ।’

इप्पानको बिहीबार बसेको २०६औँ बैठकले बुधबार भोटेकोशी नदीमा आएको भीषण आकस्मिक बाढीका कारण रसुवा, नुवाकोट, धादिङ, गोरखा चितवन, तनहुँ लगायत जिल्लामा दिवंगत भएका नागरिकप्रति हार्दिक श्रद्धाञ्जली एवं घाइतेप्रति शिघ्र स्वास्थ्यलाभको कामना गरेको छ । ‘बाढीबाट सञ्चालनमा रहेका र निर्माणाधीन धेरै विद्युत आयोजनाहरुमा पुगेको क्षतिप्रति दुःख व्यक्त गर्नुका साथै ज्यान गुमाएका कर्मचारी र मजदूरप्रति श्रद्धाञ्जली र घाइतेहरुको शीघ्र स्वास्थ्य लाभको पनि कामना गरेको’, विज्ञप्तिमा उल्लेख छ । क्षतिमा भएका जलविद्युत् आयोजनाको पुर्ननिर्माण र पुर्नस्थापनामा सरकारसँग समन्वय गरी आवश्यक सहायता गर्ने समेत इप्पानले जनाएको छ ।

Comments