एआई जोखिमलाई ‘हौवा’ मान्छन् ट्रम्प

breaking news

काठमाडौं । अमेरिकी राष्ट्रपति डोनाल्ड ट्रम्पले कृत्रिम बौद्धिकता (एआई)बाट उत्पन्न हुन सक्ने जोखिमसम्बन्धी चेतावनीलाई अस्वीकार गर्दै त्यसलाई चीनसँगको प्राविधिक प्रतिस्पर्धाबीच फैलाइएको ‘हौवा’को संज्ञा दिएका छन्। आयरल्यान्ड भ्रमणका क्रममा पत्रकारसँग ट्रम्पले भने, “हामीसँग धेरै नकारात्मक शक्ति छन्, जसले नचाहिँदो विषय उठाइरहेका छन् । उनीहरू यस्ता कुरा गरिरहेका छन्, जुन कहिल्यै सम्भव छैन ।”

ट्रम्पले अमेरिका एआई दौडमा चीनभन्दा अगाडि रहेको उल्लेख गर्दै उक्त अग्रता कायम राख्नुपर्नेमा जोड दिएका छन्। उनले एआई विकासको गति सुस्त बनाउने मागको विरोध गर्दै एआई प्रतिस्पर्धामा विजयी हुने देशले विश्वमा प्रभाव कायम गर्ने धारणा व्यक्त गरेका छन्।

यसैबीच, एन्थ्रोपिकका पूर्वअनुसन्धानकर्ता ज्याकोब कक्सनले वर्तमान गतिमा एआई विकास जारी रहे मानव अस्तित्वमै गम्भीर खतरा उत्पन्न हुन सक्ने चेतावनी दिएका छन्। उनले एआई विकासको गति नियन्त्रण गर्न चीनसँग समेत सहकार्य गर्नुपर्ने प्रस्ताव गरेका छन्।

एलोन मस्क र स्याम अल्टम्यानलगायत एआई क्षेत्रका प्रमुख व्यक्तिहरूले पनि सुरक्षा जोखिम कम गर्न एआई विकासको गति केही समय सुस्त बनाउनुपर्ने धारणा राखेका छन्। एआईको तीव्र विकाससँगै साइबर आक्रमण, नक्कली मानवीय प्रोफाइल तथा अनपेक्षित व्यवहारका घटनाले यसको सुरक्षा चुनौती थप गम्भीर बनाएको छ।

Comments

प्रकाशित मिति : 2026-09-14

एआई जोखिमलाई ‘हौवा’ मान्छन् ट्रम्प

Comments

अरु समाचार