‘चुनाव गराउन नसके सरकारको औचित्य सकिन्छ’

राजनीति

काठमाडौं १६ फागुन । स्वास्थ्यमन्त्री गगनकुमार थापाले आगामी वैशाख ३१ गते स्थानीय तहको निर्वाचन गर्न नसके सरकारको औचित्य समाप्त हुने बताएका छन् ।
वर्तमान सरकार नै निर्धारित मितिभित्रै तीन वटै तहको निर्वाचन गर्न गठन भएको भन्दै उनले भने, ‘निर्वाचन नै गर्न नसक्ने अवस्था आयो भने सरकारको औचित्य समाप्त हुन्छ, त्यसैले हामी निर्वाचन सफल बनाउन खरो उत्रिन्छौं ।’

सोमबार रिपोर्टर्स क्लब नेपालले आयोजना गरेको साक्षात्कारमा मन्त्री थापाले स्थानीय निर्वाचन गर्ने कुरामा सरकार अलमलमा नरहेको जिकिर गरे ।

कांग्रेस नेता समेत रहेका मन्त्री थापाले संविधान संशोधन गराउन हससम्भव प्रयास गरिने बताए । उनले भने, ‘यसको बावजुद पनि भनेजस्तो निश्कर्ष निस्कने सकेन भनेपनि सबै दल निर्वाचनमा जान उत्साहित हुनुपर्छ ।’

उनले संशोधन प्रस्ताव पारित नभए त्यहि एजेण्डालाई निर्वाचनमा लैजान आग्रह समेत गरे ।

एमालेको संविधान संशोधन गर्न हुँदैन भन्ने र मधेसी मोर्चाको संविधानले केही पनि दिएन भन्ने सोच नै अतिवादी रहेको गुनासो पोख्दै भने, ‘उनीहरु यीनै एजेण्डा लिएर चुनावमा जान्छन्, तर हामी मध्यमार्गी बाटोमा मुलुकलाई निकास दिने एजेण्डा लिएर चुनावमा जान्छौं ।’

Comments

प्रकाशित मिति : 2017-02-27

‘चुनाव गराउन नसके सरकारको औचित्य सकिन्छ’

Comments

अरु समाचार