कुलमान घिसिङको चरित्र हत्या गर्ने पत्रकारको विषय सामाजिक सञ्जालमा भाईरल

राजनीति

काठमाडौं, २८ बैशाख । पछिल्लो समय कुलमान प्रकरणले सामाजिक सञ्जालमा निकै चर्चा पाईरहेको छ । एलइडी बल्ब खरिद प्रक्रियामा अनियमितता भएको भन्दै नेपाल विद्युत प्राधिकरणका कार्यकारी निर्देशक घिसिङमाथि गम्भिर आरोप लागेपछि यस विषयले सामाजिक सञ्जालमा स्थान पाएको हो ।

सामाजिक सञ्जालमार्फत कुलमानले अनियमितता गरेको भन्ने पत्रकारलाई देश निकाला गर्नुपर्ने देखि लिएर उनलाई मृत्युदण्ड दिनुपर्ने सम्मका कुरा उठिरहेका छन् । यसैविच एक महिलाले कुलमान घिसिङको चरित्र हत्या गर्ने पत्रकारको मुल्य तोकेकी छिन् ।

शरिन ख्युङ्वा तामाङले कुलमानको चरित्र हत्या गर्ने पत्रकारलाई चिनेर प्रहरी सामु सामु बुझाउनेलाई ५० हजार रुपैयाँ पुरस्कार दिने घोषणा गरेकी हुन् । आफुलाई श्रमिक शरिन नामले चिनाउने शरिनले आफ्नो फेसबुकमा स्टाटस पोष्ट गर्दै एलईडी बल्ब खरिद प्रक्रियामा अनियमितता भएको भन्दै कुलमानको चरित्र हत्या गराउन खोज्ने पत्रकारलाई प्रहरी सामू बुझाएमा ५० हजार रुपैयाँ पुरस्कार दिने घोषणा गरेकी हुन् ।

उनले फेसबुकमा एक स्टाटस पोष्ट गरेर भनेकि छिन्, ‘कुलमान घिसिङ जि को चरित्र हत्या गर्ने कमिसन खोर दलाल पत्रकारलाई चिनेर गलहत्यार प्रहरि समक्ष बुझाउने जो कोहि वीर नेपाल आमाको सन्तानलाइ यो श्रमिक शरिन ले ५० हजार ईमान दिइनेछ । र जसरी आज कुलमान जिले भ्रष्टाचारि ठहरियमा देश निकाला हुन्छु भन्नुभएको छ ठिक त्यसैगरी त्यो कमिसन खोर दलाल पत्रकारलाई देश निकालागराउनु पर्छ अब हामी नेपाली जनताहरुले ।’

अहिले उक्त कुराले सोसियल साईटमा निकै भाईरल भएको छ । फेसबुक, ट्वीटर लगायतका सोसियल साईटमा उक्त कुराले निकै चर्चा पाईरहेको छ । उक्त महिलाको पोष्टलाई धेरैले साथ दिँदै उक्त पत्रकारलाई मृत्युदण्ड दिनुपर्ने समेत माग गरेका छन् ।

नेपाल विद्युत प्राधिकरणले लोडसेडिङ अन्त्य गर्न तथा अर्बौको बिजुली बचाउन भन्दै भारतीय कम्पनीसँग सिधै एलईडी बल्ब किन्न लागेको थियो । प्रतिष्पर्धा तथा कुनै बोलपत्र आह्वान नगराई प्राधिकरणले सिधै भारतीय कम्पनीसँग बल्ब किन्न लागेको विषयमा नेपालका केही सञ्चारमाध्यमले विरोध जनाउँदै अनियमितता भएको आरोप लगाएका थिए । उक्त आरोपको प्राधिकरणका कार्यकारी निर्देशक घिसिङले खण्डन समेत गरेका थिए ।