ताजा समाचार

काश्मिरमा सामाजिक सञ्जालमा लागेको प्रतिबन्ध फुकुवा गर्न राष्ट्रसंघको अपिल

विश्व प्रवास
-
       

काठमाडौं, २९ बैशाख । भारत प्रशासित काश्मिरमा सामाजिक सञ्जाल तथा मोबाइल इन्टरनेटमाथि लगाइएको प्रतिबन्ध फुकुवा गर्न संयुक्त राष्ट्रसंघका अधिकारीले अपिल गरेका छन् ।

वाक स्वतन्त्रता तथा मानवअधिकारको क्षेत्रमा कार्यरत राष्ट्रसंघका ती अधिकारीले सामाजिक सञ्जालमाथि लगाइएको प्रतिबन्ध हटाउन माग गरेका हुन् । ती अधिकारीले सामाजिक सञ्जाल तथा मोबाइल इन्टरनेटमाथिको प्रतिबन्ध सामूहिक सजाय जस्तै भएको बताएका छन् ।

त्यस्तै प्रतिबन्धले नागरिकको सूचनाको हक तथा वाक स्वतन्त्रता हनन गरेको आरोप लगाएका छन् । भारत प्रशासित काश्मिरमा गएको अप्रिल २६ देखि फेसबुक, ट्वीटर, ह्वाट्सएप लगायत १६ वटा सामाजिक सञ्जालमाथि प्रतिबन्ध लगाएको थियो । यी वेबसाइटबाट सरकार विरोधी गतिविधि सञ्चालन गरिएको आरोप लागेको थियो । एजेन्सी

Comments

प्रकाशित मिति : 2017-05-12

अरु समाचार

© NewsNepal 2018 - All Right Reserved.
newsnepal.com 2017.hlon.org