अमेरिकी राजदूत निकी भन्छिन्, ‘किम जोंग उनमाथि पागलपन सवार छ’

काठमाडौं, १ जेठ । संयुक्त राष्ट्रमा अमेरिकी राजदूत निकी हेलीले उत्तर कोरियाली नेता किम जोंग–उनमाथि ‘पागलपन’ सवार भएको बताएकी छिन् । हेलीको यो टिप्पणी आइतबार उत्तर कोरियाले अर्को एक परमाणु परिक्षणपश्चात् दिएकी हुन् । हेलीले एबीसी न्यूजसँगको कुराकानीमा उक्त परमाणु परीक्षण दक्षिण कोरियाका नयाँ दक्षिण कोरियाका नयाँ राष्ट्रपतिलाई सन्देश दिनका लागि गरेका हुन् । अमेरिकाले उत्तर कोरियामाथिको ‘कडा निगरानी’ जारी राख्ने उनले बताएकी छिन् ।

जापानी अधिकारीका अनुसार उत्तर कोरियाले कुसोंगबाट परमाणु छोडे जुन हावामा २ हजार किलोमिटरको उचाईंसम्म पुगेको थियो । दक्षिण कोरियाका नवनिर्वाचित राष्ट्रपति मून जे–इनले सत्ता सम्हालेपछि उत्तर कोरियासँगको सम्बन्ध सुधार्न संकेत दिएका थिए । जे–इनले उत्तर कोरियाको यो कारवाही ‘उक्साउने किसिमको’ बताएका छन् ।

अमेरिकी राष्ट्रपतिले उत्तर कोरियाविरुद्ध सख्त प्रतिबन्ध लगाउने अपिल गरेको छ जबकी चीनले संयमता अपनाउने आग्रह गरेका छन् । संयुक्त राष्ट्र सुरक्षा परिषदको प्रतिबन्धका बाबजूद उत्तर कोरियाले यो वर्ष एकपछि अर्को गरी थुप्रै परमाणु परिक्षण गरेको छ । उत्तर कोरियाले पछिल्लो महिना पनि दुईवटा परमाणु परिक्षण गरेका थिए । यद्यपी, ती असफल भएका थिए र परिक्षण गरेको केही समयपश्चात् नै यी रकेट बिस्फोट भएका थिए ।

उत्तर कोरियाले आफू अमेरिकासँग कुराकानी गर्न चाहेको तर यसका लागि स्थिती नियन्त्रणमा हुनुपर्ने बताएको थियो । उत्तर कोरियाभन्दा पहिले अमेरिकी राष्ट्रपति ट्रम्पले पनि सही परिस्थितीमा किम जोंग उनसँग भेटघाट गर्दा उनलाई खुसी लाग्नेछ । तर हेलीले ट्रम्पसँग भेटघाट गर्नका लागि परमाणु परिक्षण सही तरिका नभएको बताएकी छिन् । उनले भनिन्, ‘जबसम्म उनले हाम्रा शर्त पूरा गर्दैनन्, हामी उनीसँग कुराकानी गर्ने छैनौं ।’

Comments