फिलिपिन्सका राष्ट्रपतिले भने, ‘तीन महिलालाई सम्म बलात्कार गर्नु जायज’

विश्व प्रवास

- बीबीसी

काठमाडौं, १४ जेठ । फिलिपिन्सका राष्ट्रपति रोड्रिगो डुटार्टेले एक पटक पुनः बलात्कारको विषयमा विवादास्पदक बयान दिएका छन् । देशको दक्षिणमा ‘मार्शल ल’ लगाएपछि एक सैन्य शिविरमा सैनिकलाई सम्बोधन गर्दै उनले तीनजना महिलालाई बलात्कार गरेसम्म छुट पाइने भन्दै विवादास्पदक अभिव्यक्ति दिएका थिए । उक्त भाषणपछि राष्ट्रपति रोड्रिगोको निकै कडा आलोचना भईरहेको छ ।

राष्ट्रपतिका लागि आफ्नो उम्मेद्वारीपछि डुटार्टेले बलात्कारको विषयमा यस्तो विवादास्पद टिप्पणी दिएको यो दोस्रो पटक हो । एक मानवअधिकार संगठनले उनको टिप्पणीलाई ‘घिनलाग्दो’ बताए । यस्तै, अमेरिकाका पूर्व राष्ट्रपति बिल क्लिंटनकी छोरी चेल्सी क्लिंटनले बलात्कार कहिले पनि मजाक हुननसक्ने भन्नै ट्वीटरमा टिप्पणी गरेकी छिन् ।

डुटार्टेले सैनिकलाई भने, ‘यदि तपाईंहरु तीनजना महिलालाई बलात्कार गर्नुहुन्छ भने म तपाईंहरुको लागि जेल जानेछु । म भन्नेछु, ‘हो, मैले नै बलात्कार गरेको हुँ’ । तर तपाईंले चारजनासँग विवाह गर्नुहुन्छ भने वेश्याका छोराहरु, तिमीहरुले ठूलै सजायँ पाउनेछौ ।’

डुटार्टेको यो बयानमा चेल्सी क्लिंटनले ट्वीट गरेकी छिन्, ‘डुटार्टे एक हत्यारा ठग हुन् जसको मानवअधिकारसँग कुनै सम्बन्ध छैन र बलात्कार कहिले पनि मजाक हुनै सक्दैन ।’

मानवअधिकार कार्यकर्ता फेलिम किनले राष्ट्रपति डुटार्टेको यो टिप्पणी ‘मजाकको एक घिनलाग्दो’ रुप थियो जसले सैनिकलाई ‘मार्शल ल’को आधारमा अधिकारको दुरुपयोग गर्न सकिन्छ भन्ने सन्देश दिन्छ । पछिल्लो वर्ष पनि डुटार्टेले सन् १९८९ मा एक अष्ट्रेलियाली मिशनरीको बलात्कार र हत्यामाथि मजाक गरेका थिए ।