ताजा समाचार

अफगान सैनिकको गोली लागेर तीन अमेरिकी सैनिकको मृत्यु

विश्व प्रवास
-
       

काठमाडौं, २८ जेठ । अफगानिस्तानमा अफगान सैनिकको गोली लागेर तीन अमेरिकी सैनिकको ज्यान गएको छ । हेलमन्द प्रान्तमा रहेको आचिनमा संयुक्त अभ्यासका क्रममा अफगान सैनिकले अमेरिकी सैनिकमाथि गोली प्रहार गर्दा ती सैनिकको घटनास्थलमै ज्यान गएको हो । घटनामा अर्का एक अमेरिकी सैनिक घाइते भएका छन् ।

हत्या गर्ने अफगान सैनिक पनि जवाफी कारबाहीमा मारिएका छन् । यसअघि अमेरिकी र अफगान गठबन्धन सेनाको संयुक्त अभ्यासका क्रममा अमेरिकी सैनिकले दुईजना अफगान सेनाको गोली हानी हत्या गरेका थिए ।

अफगानिस्तानमा विगत तीन वर्षदेखि तालिवानविरुद्धको कारबाहीमा अमेरिकी गठबन्धन सेना तैनाथ गरिएको थियो । घटनाबारे थप अनुसन्धान भइरहेको बताइएको छ ।

Comments

प्रकाशित मिति : 2017-06-11

अरु समाचार

© NewsNepal 2018 - All Right Reserved.
newsnepal.com 2017.hlon.org