संसदमा बहुमत गुमेपछि ब्रिटिश प्रधानमन्त्रीले आफ्नै पार्टीका नेताहरुसँग माफी मागिन्

विश्व प्रवास

काठमाडौं, ३० जेठ । ब्रिटेनमा प्रधानमन्त्री थेरेसा मेले संसदीय चुनावमा बहुमत गुमेकोमा दुःख व्यक्त गरेकी छन् । आफ्ना कारण बहुमत गुमेको स्वीकार्दै प्रधानमन्त्री थेरेसाले कन्जरभेटिभ पार्टीका नेता र सांसदहरुसँग क्षमायाचना गरेकी छन् । प्रधानमन्त्री थेरेसाले कसैलाई पनि कठिन स्थितीको सामना गर्न नपर्ने बाटो अबलम्बन गर्ने बताएकी छन् ।

उनले आफ्नो इच्छा बमोजिम प्रधानमन्त्री पदमा रहिरहने पनि प्रष्ट पारिन् । बेलायतमा हालै सम्पन्न संसद्को निर्वाचनमा बहुमतका लागि ८ सीट नपुगेपछि थेरेसाले १० सीट रहेको डेमोक्रेटिक युनियनिष्ट पार्टीको सहयोगमा नयाँ सरकार बनाउन लागेकी छिन् । सरकार बनाउने जनादेश आफ्नो दललाई मात्र भएको भन्दै उनले स्थीर सरकार निर्माणमा आफ्नो जोड रहने बताईन् ।

६ सय ५० सदस्यीय हाउस अफ कमन्समा सत्तारुढ कञ्जरभेटिभले ३ सय १८ सिट मात्र जितेको छ । स्पष्ट बहुमतका लागि ३२६ सीट जरुरी पर्नेमा उसलाई ८ सीटको कमी भएको हो । अघिल्लो संसद्मा भन्दा उसले १० सीट गुमाएको छ भने विपक्षी लेबर पार्टीले ३२ सीट थप गर्दै २ सय ६२ सीटमा जितेको छ ।