अहिलेसम्म एमाले दुई र काँग्रेस माओवादी एक/एक स्थानीय तहमा विजयी

राजनीति

काठमाडौं, १६ असार । स्थानीय तह दोस्रो चरणको निर्वाचनको मत परिणम आउने क्रम जारी छ । अहिलेसम्म चार वटा गाउँपालिकाको नतिजा आइसकेको छ । जसमा नेकपा एमाले २ स्थानमा विजयी हुँदै पहिलो बनेको छ । नेपाली काँग्रेस र नेकपा माओवादी केन्द्रले समान एक/एक स्थानमा विजयी भएका छन् । बाजुरको पाण्डवगुफा गाउँपालिकाको अध्यक्षमा एमालेका कालीबहादुर शाही विजयी भएसँगै एमाले २ स्थानमा विजयी भएको हो ।

प्रदेश नम्बर १, ५ र ७ मा का ३५ जिल्ला अन्तर्गत ३ सय ३४ स्थानीय तहमा बुधबार भएको निर्वाचनको मतगणना जारी छ । निर्वाचन आयोगले ३ सयभन्दा बढी तहमा मत गणना भइरहेको जनाएको छ । मतगणना भइरहेका स्थानीय तहमा कांग्रेस र एमालेका उम्मेदवारबीच नै तिव्र प्रतिस्पर्धा छ ।

त्यस्तै उपप्रमुखमा पनि एमाले दुई स्थानमा विजयी भएको छ । नेपाली काँग्रेस र माओवादी केन्द्र एक/एक स्थानमा विजयी भएका छन् । बाजुराको पाण्डवगुफा गाउँपालिकाको उपप्रमुखमा एमालेका ऐना गिरी विजयी भएसँगै दुई स्थानमा जित हासिल गरेको हो ।