कञ्चनपुरको पछिल्लो ताजा मत परिणाम

राजनीति

कञ्चनपुर, १६ असार । कञ्चनपुरका ९ वटै स्थानीय तहमा मतगणना जारी छ । ७ नगरपालिका र २ गाउँपालिका रहेको कञ्चनपुरको महाकाली नगरपालिकाको वडा नम्बर १ र २ मा नेपाली कांग्रेस विजयी भएको छ । वडा नम्बर १ मा अर्जुन भट्ट प्यानलसहित विजयी भएका हुन् भने वडा नम्बर २ मा पनि कांग्रेसकै कमलापति भट्ट पनि प्यानलसहित विजयी भएका हुन् ।

त्यस्तै वडा नम्बर १० मा भने नेकपा एमालेका नरबहादुर विजयी भएका छन् । यस्तै पुनर्वास नगरपालिकाको वडा नम्बर ३ मा पनि नेकपा एमाले प्यानलसहित विजयी भएको छ । एमालेका फैरु तामाङ प्यानलसहित विजयी भएका हुन् ।

यस्तै लालझाडी गाउँपालिकाको वडा नम्बर १ को वडा अध्यक्षमा नेपाली कांग्रेसका छेमानन्द राना विजयी भएका छन् । त्यस्तै बेलौरी नगरपालिका वडा नम्बर १ मा मावोबादी केन्द्रको पुरै प्यानल विजयी भएको छ ।