अछामको साँफेबगर नगरपालिका र चौररपाटी गाउँपालिकामा मतगणना अझै सुरु भएन्

राजनीति

अछाम, १६ असार । अछामको साँफेबगर नगरपालिका र चौररपाटी गाउँपालिकामा अझै मतगणना सुरु हुन सकेको छैन् । मतदानको दिनदेखिनै तनाव र विवादमा रहेका यी दुई स्थानीय तहमा अझै मतगणना शुरु हुन सकेको छैन । एमाले र कांग्रेस माओवादी गठबन्धने एक अर्कोलाई बुथ कब्जाको आरोप लगाएर पुनः मतदानको माग गरेपछि गणना अन्यौलमा परेको हो ।

साँफेबगर नगरपालिकाको रिडिकोटमा नेपाली कांग्रेस र भागेश्वर मतदान केन्द्रमा एमालेले बुथ कब्जा गरेको आरोप लगाएका छन् । उता चौरपाटी गाउँपालिकाको पायलमा रहेको वैजनाथ मावि केन्द्रमा एमालेले बुथ कब्जा गरेको नेपाली कांग्रेस र नेकपा माओवादी केन्द्रको आरोप छ । साँफेबगर र चौरपाटीमा पटक पटक सर्वदलिय बैठक बस्दा समेत सहमती हुन सकेको छैन ।

चौरपाटी र साँफेबगर नगरपालिकाका निर्वाचन अधिकृतले निर्वाचन आयोगको निर्णय पर्खिएको बताएका छन् । ती दुई स्थानीय तहमा दलहरुबीच सहमति नहुँदा मतगणना गर्ने वा नगर्ने आदेश निर्वाचन आयोगले दिनुपर्ने भएको छ ।