ताजा समाचार

उत्तर कोरियाद्वारा जापानी समुन्द्रमा ब्यालेस्टिक मिसाइलको सफल परीक्षण

विश्व प्रवास
-
       

काठमाडौं, २० असार । उत्तर कोरियाले पुनः ब्यालेस्टिक मिसाइलको सफल परीक्षण गरेको छ । उत्तर कोरियाले बाङयोङबाट उत्तरी प्योङयाङ प्रान्तमा मिसाइल परीक्षण गरेको हो । परीक्षण गरिएको मिसाइल जापानको समुद्रमा पुगेको बताइएको छ ।

अमेरिकी राष्ट्रपति डोनाल्ड ट्रम्पले जापानका प्रधानमन्त्री सिन्जो आबेसँग उत्तर कोरियाको विवादास्पद मिसाइल परीक्षणका बारेमा कुराकानी गरेको केही घण्टा नबित्दै उत्तर कोरियाले मिसाइल परिक्षण गरेको हो ।

उत्तर कोरियाले तीन साताअघि पनि मिसाइल परीक्षण गरेको थियो । संयुक्त राष्ट्रसंघ सुरक्षा परिषद् बैठकले प्योङयाङलाई मिसाइल परीक्षण नगर्न चेतावनी दिएको थियो । उत्तर कोरियाले पछिल्ला दुई महिनामा सात वटा मिसाइल परीक्षण गरिसकेको छ ।

Comments

प्रकाशित मिति : 2017-07-04

अरु समाचार

© NewsNepal 2018 - All Right Reserved.
newsnepal.com 2017.hlon.org